இந்திய அளவில் ட்ரெண்டிங் ஆன பரிசுப்பெட்டி!
டிடிவி தினகரனின் அம்மா மக்கள் முன்னேற்றக் கழகத்துக்கு பரிசுப்பெட்டி சின்னத்தை தேர்தல் ஆணையம் ஒதுக்கி உள்ளது.
அம்மா மக்கள் முன்னேற்றக் கழகம் என்ற் கட்சியை தேர்தல் ஆணையத்தில் இதுவரை பதிவு செய்யாத காரணத்தால், குக்கர் சின்னத்தை வழங்க முடியாது என தேர்தல் ஆணையம் தெரிவித்து இருந்தது.
இதுதொடர்பான வழக்கில் தினகரனின் அமமுகவுக்கு பொதுச் சின்னம் வழங்க தேர்தல் ஆணையத்துக்கு உச்சநீதிமன்றம் பரிந்துரைத்து உத்தரவிட்டது.
இதனை அடுத்து இன்று காலை, தினகரன் தரப்புக்கு பரிசுப்பெட்டி சின்னத்தை தேர்தல் ஆணையம் ஒதுக்கியது. இந்த தகவல் வெளியானதும் சமூக ஊடகங்களில் அவரது ஆதரவாளர்கள் சின்னத்தை பகிர்ந்தனர். இதில் ட்விட்டரில் இந்திய அளவில் பரிசுபெட்டி சின்னம் ட்ரெண்டிங் ஆகியுள்ளது
COMMENTS