தமிழகம் , இந்தியா , அயல்நாடு , வணிகம், விளையாட்டு ,  திரை உலகச் செய்திகள் , பொது அறிவு, தினம் ஒரு துளி ,ஒரு நிமிட  யோசனை , நித்தம் ஒரு முத்து, நேயர்குரல்கள் ,வாரம் ஒரு வசந்தம், அறிவுப் பெட்டகம் ,கதை சொல்லும் நீதி  ,வாரம் ஒரு பாடல்,சிந்தனைச் சிறகு -அத்தனையும் மொத்தமாய் உங்கள் வாட்ஸ்அப்-பில் உங்களைத் தேடி தினந்தோறும் வருகிறது. . நற்றிணை  ஒலிச்செய்தியை நீங்களும்  கேட்டு ரசிக்க.., 1) பார்வை திறன் உள்ளவர்  என்றால் S JOIN 2) பார்வை மற்றுத் திறனாளி  என்றால் V JOIN  -என்று டைப் செய்து 8220999799-என்ற எண்ணுக்கு  வாட்ஸ்அப் மூலமாக அனுப்பி வையுங்கள். பதிவு எண் முதலில் வரும். நற்றிணை தொடர்ந்து வரும். தினமும் செவிமடுங்கள். #நற்றிணை ஒலிச்செய்தி#

Labels

Search This Blog

Sunday, 22 July 2018

சேலத்தில் SKA பால்பண்ணை மீது கடும் நடவடிக்கை எடுக்க சேலம் ஆட்சியருக்கு விவசாயிகள் கோரிக்கை

சேலத்தில் SKA பால்பண்ணை மீது கடும் நடவடிக்கை எடுக்க சேலம் ஆட்சியருக்கு விவசாயிகள் கோரிக்கை

சுற்றுச் சூழலுக்கு பாதிப்பு ஏற்படுத்திய SKA பால்பண்ணைக்கு மின்சாரம் துண்டிக்கப்பட்டுள்ளது. விவசாயிகளின் கோரிக்கையை ஏற்று சேலம் மாவட்ட ஆட்சித் தலைவர் நடவடிக்கை எடுப்பதாக கூறியுள்ளார். ஜெனரேட்டர் மூலம் தனியார் பால்பண்ணையை இயக்குவதாக குற்றம் சாட்டியுள்ளனர். SKA பால்பண்ணை மீது கடும் நடவடிக்கை எடுக்க சேலம் ஆட்சியருக்கு விவசாயிகள் கோரிக்கை விடுத்துள்ளனர்.

ரூ. 50 கோடி மதிப்பீட்டில் மதுரையில் ஐந்திணை அருங்காட்சியகம் அமைக்கப்படும்: அமைச்சர் மாஃபா பாண்டியராஜன்

ரூ. 50 கோடி மதிப்பீட்டில் மதுரையில் ஐந்திணை அருங்காட்சியகம் அமைக்கப்படும்: அமைச்சர் மாஃபா பாண்டியராஜன்

ரூ. 50 கோடி மதிப்பீட்டில் மதுரையில் ஐந்திணை அருங்காட்சியகம் அமைக்கப்படும் என அமைச்சர் மாஃபா பாண்டியராஜன் மதுரையில் செய்தியாளர்களுக்கு பேட்டியளித்துள்ளார். கீழடியில் 4-வது கட்ட அகழ்வாய்வு ஆராய்ச்சி செப்டம்பரில் நிறைவடையும் எனவும் தெரிவித்தார். தேவைப்பட்டால் கீழடியில் 5-வது கட்டமாக அகழ்வாராய்ச்சி நடத்த நடவடிக்கை எடுக்கப்படும் எனவும் கூறினார்.

வேலூரில் மத்திய சி.எஸ்.ஐ. தேவாலயத்தில் இருதரப்பினர் இடையே மோதல்: 10 போ் கைது

வேலூரில் மத்திய சி.எஸ்.ஐ. தேவாலயத்தில் இருதரப்பினர் இடையே மோதல்: 10 போ் கைது

வேலூர் மத்திய சி.எஸ்.ஐ. தேவாலயத்தில் இருதரப்பினர் இடையே மோதல் தொடர்பாக 10 போ் கைது செய்யப்பட்டுள்ளனர். ஆயர் சாதுசத்தியராஜ் தலைமையில் நடைபெற்ற கூட்டத்தில் மோதல் ஏற்பட்டதாக கூறப்படுகிறது. இருதரப்பு மோதலை தொடர்ந்து  சி.எஸ்.ஐ மத்திய தேவாலயத்தை போலீசார் இழுத்து மூடினர்.

அமெரிக்காவில் சூப்பர் மார்க்கெட்டில் துப்பாக்கிச்சூடு நடத்தியவர் கைது.... ஒருவர் பலி

அமெரிக்காவில் சூப்பர் மார்க்கெட்டில் துப்பாக்கிச்சூடு நடத்தியவர் கைது.... ஒருவர் பலி

அமெரிக்காவின் லாஸ் ஏஞ்சல்ஸ் நகரில் சூப்பர் மார்க்கெட் ஒன்றில் துப்பாக்கியுடன் புகுந்த நபர் ஒருவர் அங்கு ஷாப்பிங் செய்துக் கொண்டிருந்தவர்களை பிணைக் கைதியாகப்பிடித்து வைத்ததால் பரபரப்பு ஏற்பட்டது. காரில் அதிவேகமாக வந்து கடையின் முகப்பை உடைத்து நொறுக்கிய அவன், தன்னை துரத்திய பாதுகாவலர்களையும் போலீசாரையும் துப்பாக்கியால் சரமாரியாக சுட்டுள்ளான். இதனால் கடையில் ஷாப்பிங் செய்தவர்கள் அலறியடித்து ஓடினர்.சிலர் ஜன்னல் வழியாக குதித்து தப்பியோடினர். பிணைக்கைதியாக சிலரைப் பிடித்து வைத்த அவன் ஒரு பெண்ணை சுட்டதில் அவர் காயம் அடைந்தார்.

காயம் அடைந்தவரை போலீசார் கடைக்கு வெளியே இழுத்துக் கொண்டு வந்து மருத்துவமனைக்கு கொண்டு சென்றனர். மர்மநபர் சரமாரியாக சுட்டதில் ஒருவர் உயிரிழந்துள்ளதாக லாஸ் ஏஞ்சல்ஸ் மேயர் அதிகாரப்பூர்வமாக அறிவித்துள்ளார். முன்னதாக அந்த மர்ம நபர் குடும்பத் தகராறில் தனது பாட்டியையும் காதலியையும் சுட்டுவிட்டு காரில் வேகமாக வந்ததாக போலீசார் தெரிவித்தனர்.

க்யூ.ஆர்.குறியீட்டால் மாணவர்கள் பாதிப்பு

க்யூ.ஆர்.குறியீட்டால் மாணவர்கள் பாதிப்பு

புதிய பாடத்திட்டம் பற்றி ஆசிரியர்களுக்கு விரிவான பயிற்சி வழங்க வேண்டும் என்று அன்புமணி ராமதாஸ் கூறியுள்ளார். புதிய கல்வியாண்டு தொடங்கி 50 நாட்களுக்கு மேலாகியும் ஆசிரியர்களுக்கான பயிற்சி இன்னும் நிறைவடையவில்லை.11-ம் வகுப்பு பாட புத்தகத்தில் உள்ள க்யூ.ஆர்.குறியீட்டு ஸ்கேனால் ஏழை மாணவர்கள் பாதிக்கப்பட்டுள்ளனர் என்றார்.

கட்டட விபத்து-2 பேர் கைது

கட்டட விபத்து-2 பேர் கைது

சென்னை கந்தன்சாவடியில் உள்ள தனியார் மருத்துவமனை கட்டடத்தின் தூண், சாரம் சரிந்து விழுந்து விபத்து ஏற்பட்டது. இந்த விபத்தில் பலர் காயமடைந்து மருத்துவமனையில் சிகிச்சை பெற்று வருகின்றனர். இந்நிலையில், கட்டட விபத்து தொடர்பாக கட்டட பொறியாளர் முருகேசன், சிலம்பரசன் ஆகியோரை போலீசார் கைது செய்துள்ளனர்.

காவிரி ஆற்றை கடக்க வேண்டாம்!

காவிரி ஆற்றை கடக்க வேண்டாம்!

கல்லணையில் அதிகளவு நீர் திறந்து விடப்பட்டுள்ளதால் காவிரி ஆற்றை பொதுமக்கள் கடந்து செல்ல வேண்டாம் என தஞ்சை மாவட்ட ஆட்சியர் எச்சரிக்கை விடுத்துள்ளார். இதையடுத்து,  காவிரி ஆற்றில் குளிக்கவோ, இறங்கவோ கூடாது என்றும் வலியுறுத்தியுள்ளார். மேலும், மேட்டூர் அணையில் இருந்து பாசனத்துக்காக 20,000 கன அடி நீர் திறந்து விடப்பட்டுள்ளது குறிப்பிடத்தக்கது.

மனு எழுதுவது எப்படி ?

சட்டம் அறிந்துகொள்வோம்!

மனு எழுதுவது எப்படி ?

1. மனுவில் உங்கள் பெயர் முகவரி இருக்க வேண்டும்.

2. மனு யாருக்கு அனுப்பப் படுகிறதோ ? அவரின் பெயர் / பதவி மற்றும் முகவரி இருக்க வேண்டும்.

3. மனுவில் பொருள் இருக்க வேண்டும். எதற்காக மனு அளிக்கப்படுகிறது ? என்று சுருக்கமாக எழுதவேண்டும்.

4. மனுவில் 1,2,3...... என்று எண்கள் இடப்பட்டு பத்தி பத்தியாக சங்கதிகள் சொல்லப்பட வேண்டும்.

5. மனுவின் வலது பக்கம் மூலையில் இடம், தேதி குறிப்பிடப்பட வேண்டும்.

6. அனுப்புபவர் கையெழுத்தும் பெயரும் இருக்க வேண்டும்.

7. ஆவணங்கள் இருந்தால் இணைக்கப்பட வேண்டும்.

8. ஆவணங்கள் 1,2,3, என்று பட்டியல் இடப்பட வேண்டும்.

9. மனுவை பணிவாகவே எழுத வேண்டும்.

கோவை ஆழியாறு அணையில் நீர் வெளியேற்றம்

கோவை ஆழியாறு அணையில் நீர் வெளியேற்றம்

🔸🔹ஆனைமலை:கோயம்புத்துார் மாவட்டம் பொள்ளாச்சி ஆழியாறு அணையில் இருந்து விநாடிக்கு 1070 கனஅடி வீதம் உபரிநீர் மதகுகள் மூம் வெளியேற்றப்படுகிறது.

🔸🔹ஆழியாறுஅணையின் கொள்ளளவு 120 அடி. தொடர்மழை காரணமாக 116.50 அடி நீர்மட்டம் உயர்ந்துள்ளது. அணையின் பாதுகாப்பு கருதி விநாடிக்கு 1070 கனஅடி வீதம் உபரிநீர் மதகுகள் மூலம் வெளியேற்றப்படுகிறது

ரயில் டிக்கெட் முன்பதிவு செய்யும் வாடிக்கையாளர்களிடம் ஒவ்வொரு டிக்கெட் முன்பதிவிற்கும், கூடுதலாக, 12 ரூபாய் மற்றும் வரித் தொகை வசூலிக்கப்படும்' என, ஐ.ஆர்.சி.டி.சி., நிறுவனம் அறிவித்துள்ளது.

புதுடில்லி: 'தனியார் நிறுவன போர்ட்டல்கள் மூலம், ரயில் டிக்கெட் முன்பதிவு செய்யும் வாடிக்கையாளர்களிடம், ஒவ்வொரு டிக்கெட் முன்பதிவிற்கும், கூடுதலாக, 12 ரூபாய் மற்றும் வரித் தொகை வசூலிக்கப்படும்' என, ஐ.ஆர்.சி.டி.சி., நிறுவனம் அறிவித்துள்ளது.

வெளி மாநிலங்கள், வெளியூர்களுக்கு செல்லும் பயணியர், ஐ.ஆர்.சி.டி.சி., எனப்படும், இந்திய ரயில்வே உணவு மற்றும் சுற்றுலா கழகத்தின் வெப்சைட்டை பயன்படுத்தி, 'ஆன்லைன்' முறையில், ரயில் டிக்கெட்டுகளை முன்பதிவு செய்யும் வசதி நடைமுறையில் உள்ளது.இது தவிர, ரயில் நிலையங்களில் இயங்கும் கவுன்டர்களுக்கு சென்று, 'ஆப்லைன்' முறையிலும், டிக்கெட் முன்பதிவு செய்யலாம்.'பேடிஎம், யாத்ரா, மேக்மை ட்ரிப்' போன்ற தனியார் நிறுவன போர்ட்டல்களை பயன்படுத்தியும், ரயில் டிக்கெட் முன்பதிவு செய்யும் வசதி நடைமுறையில் உள்ளது. இந்நிலையில், 'தனியார் நிறுவனங்கள் மூலம், ரயில் டிக்கெட் முன்பதிவு செய்தால், ஒவ்வொரு டிக்கெட் முன்பதிவுக்கும், கூடுதலாக, 12 ரூபாய் மற்றும் வரி சேர்த்து வசூலிக்கப்படும்' என, ஐ.ஆர்.சி.டி.சி., நிறுவனம் அறிவித்துள்ளது. இதனால், ஆன்லைனில் டிக்கெட் முன்பதிவு செய்வதை விட, கவுன்டர்களில் முன்பதிவு செய்தால், ரயில் டிக்கெட்டிற்கான செலவு குறையும் என, வாடிக்கையாளர்கள் கருத்து தெரிவித்துள்ளனர்.