https://drive.google.com/open?id=13X8XQ32SfkbLbYGX6dmotIdw0OD6HLwL
#htmlcaption1 Go UP! Pure Javascript. No jQuery. No flash. #htmlcaption2 Stay Connected

NATRINAI FM


தமிழகம் , இந்தியா , அயல்நாடு , வணிகம், விளையாட்டு ,  திரை உலகச் செய்திகள் , பொது அறிவு, தினம் ஒரு துளி ,ஒரு நிமிட  யோசனை , நித்தம் ஒரு முத்து, நேயர்குரல்கள் ,வாரம் ஒரு வசந்தம், அறிவுப் பெட்டகம் ,கதை சொல்லும் நீதி  ,வாரம் ஒரு பாடல்,சிந்தனைச் சிறகு -அத்தனையும் மொத்தமாய் உங்கள் வாட்ஸ்அப்-பில் உங்களைத் தேடி தினந்தோறும் வருகிறது. . நற்றிணை  ஒலிச்செய்தியை நீங்களும்  கேட்டு ரசிக்க.., 1) பார்வை திறன் உள்ளவர்  என்றால் S JOIN 2) பார்வை மற்றுத் திறனாளி  என்றால் V JOIN  -என்று டைப் செய்து 8220999799-என்ற எண்ணுக்கு  வாட்ஸ்அப் மூலமாக அனுப்பி வையுங்கள். பதிவு எண் முதலில் வரும். நற்றிணை தொடர்ந்து வரும். தினமும் செவிமடுங்கள். #நற்றிணை ஒலிச்செய்தி#

Labels

Search This Blog

Thursday, 28 February 2019

நாளை பிளஸ் டூ தேர்வுகளை எழுதப்போகும் மாணவர்கள் அனைவருக்கும் வாழ்த்துக்கள்.

நாளை பிளஸ் டூ  தேர்வுகளை எழுதப்போகும் மாணவர்கள்  அனைவருக்கும் வாழ்த்துக்கள்.

நீங்கள் கவனிக்க வேண்டியது.

தேர்வுக்கு முன்னரும்... தேர்வின்போதும் *மாணவர்கள் செய்ய வேண்டியது* என்ன...

உளவியல் ஆலோசனை!

கோடைக்காலத்துக்கு முன் தேர்வுக் காலம் வந்துவிடும். பள்ளித் தேர்வுகள், பொதுத்தேர்வுகள் என வரிசைகட்டி நிற்கும். இதில் பொதுத் தேர்வுகளை எதிர்கொள்ளும் பத்தாம், 12-ம் வகுப்பு மாணவர்களின் நிலை கொஞ்சம் சிக்கலானது. எப்போதும் பதற்றமும் பயமும் கலந்தே காணப்படுவர். பசி, தூக்கம் மறந்து படித்துக்கொண்டிருப்பார்கள். இது அவசியமில்லை என்கிறார் மனநல மருத்துவர் சிவபாலன் இளங்கோவன். மேலும், தேர்வைப் பதற்றமின்றி எதிர்கொள்வது எப்படி என்றும் அவரே கூறுகிறார்.

"ஒரு பாடத்தை எவ்வளவு தூரம் மாணவர்கள் உள்வாங்கியிருக்கிறீர்கள்; புரிந்துகொண்டிருக்கிறீர்கள்; அதற்கானத் தெளிவை எந்தளவுக்கு அடைந்திருக்கிறீர்கள் என்பதைப் பரிசோதிப்பதுதான் தேர்வு. இதை முதலில் எல்லா மாணவர்களும் மனதில் புரிந்துகொள்ள வேண்டும்.

இரண்டாவது, தேர்வு நேரத்தின்போது பயமும் பதற்றமும் வருவது இயல்பான ஒன்றே. தேர்வு மட்டுமில்லை, பொதுவாக, பிறரிடம் நம்முடைய திறமையை நிரூபிக்க வேண்டும் என்று நினைக்கும்போது பதற்றம் ஏற்படும்.

தான் படித்தது தேர்வின்போது ஞாபகத்துக்கு வருமா அல்லது மறந்துவிடுமா என்கிற சந்தேகத்தில்தான் மாணவர்களுக்குப் *பதற்றம்* வந்துவிடுகிறது. அதேபோல, பாடத்தையே படிக்காத மாணவர்களுக்குப் பதற்றம் ஏற்படாது. ஏனென்றால், அவர்களுக்கு *அந்த சந்தேகமே* தோன்றாது.

தேர்வு எழுதும்போது படித்தது நினைவில் வருமா என்கிற சந்தேகம் பாடத்தை முழுவதுமாகப் படித்தவர்களுக்கே ஏற்படும். 'நிறைய படித்திருக்கிறேன். இதையெல்லாம் சரியா எழுதிவிடுவேனா?’ என்று நினைக்கும்போது இயல்பாகவே மாணவர்களுக்குள் பதற்ற மனநிலை வந்துவிடும்.

தேர்வு அறையில் அமர்ந்துகொண்டு யோசிப்பது, தேர்வு அறைக்குச் செல்வதுக்கு முன் யோசிப்பது ஆகிய இரண்டும் வேறு வேறு.

இரண்டுக்குமே வேறுபட்ட மனநிலைகள் உண்டு. தேர்வு அறைக்கு வருவதுக்கு முன் மாணவர்களுடைய மனநிலை பதற்றமாகத்தான் இருக்கும். ஆனால், தேர்வு அறைக்கு வந்தபின் அந்த நிலைமை மாறிவிடும் என்பதை மாணவர்கள் உணர வேண்டும். தனக்குத் தெரிந்த விஷயத்தைத் தேர்வின்போது வெற்றிகரமாக எழுத முடியும் என்று நம்ப வேண்டும்.

மாணவர்கள் படித்ததை நினைவிலிருந்து கொண்டு வர வேண்டுமென்றால், அவர்களுடைய மனநிலையை இயல்பாகவும் மென்மையாகவும் வைத்துக்கொள்ள வேண்டியது அவசியம். பதற்றம் வரும்போது மறதி என்பது இயல்புதான். எனவே, தேர்வு அறையில் பதற்றத்தை மாணவர்கள் தவிர்க்க வேண்டும். ஏனென்றால் தேர்வு அறையில் அமர்ந்து கேள்வித்தாளைப் பார்த்துக் கொண்டிருக்கும்போதே பதற்றம் குறைய ஆரம்பித்துவிடும். முழுத்தாளையும் பார்த்த பிறகு, பதற்றமே இருக்காது. இப்போது, மாணவர்கள் தாங்கள் படித்ததை முழுமையாக நினைவில் கொண்டுவந்து தேர்வைச் சிறப்பாக எழுத முடியும்” என்கிறார் மனநல மருத்துவர் சிவபாலன் இளங்கோவன்.

தேர்வுக்காகத் தயாராகும் மாணவர்களுக்காக... பெற்றோர்கள் செய்ய வேண்டியது என்ன?
மனநல மருத்துவர் அசோகன் விளக்குகிறார்.

"முதலில், தேர்வுக்குத் தயாராகும் மாணவர்களைவிடப் பெற்றோர் பதற்றமாக இருப்பதைத் தவிர்க்க வேண்டும். தங்களுடைய கவலையைப் பிள்ளைகள் மீது திணிக்கக் கூடாது. தேர்வு நேரத்தில் அவர்களுக்கு ஆரோக்கியமான உணவுகளைத் தர வேண்டும். வெளியில் வாங்கிச் சாப்பிடும் உணவுப் பொருள்களால் சில நேரங்களில் வயிற்றுக் கோளாறு ஏற்பட்டுத் தேர்வு எழுதுவதில் தடை ஏற்படலாம். ஆகவே, கூடுமானவரை வெளி உணவுகளைத் தவிர்ப்பது நல்லது. புது உணவுகளைச் சமைத்துத் தருவதை அறவே பெற்றோர்கள் தவிர்க்க வேண்டும். ஆழ்ந்த தூக்கமும், இடையிடையே சிறு சிறு ஓய்வும் மாணவர்களுக்கு அவசியம் என்பதைப் பெற்றோர் உணருவது அவசியம்.

ஆகவே, பிள்ளைகள் நள்ளிரவு வரை கண்விழித்து படிப்பதைத் தவிர்த்து, இரவு நன்றாகத் தூங்கி, காலையில் எழுந்து படிப்பதை வலியுறுத்துங்கள். காலையில் படிக்கும்போது கடினமான விஷயங்கள்கூட எளிதாகப் புரியும்.

பதிதல், வைத்திருத்தல், நினைவுகூர்தல் இந்த மூன்றும் படிக்கும்போது மாணவர்களுக்கு முக்கியம். முதலில் படிக்கிற விஷயங்கள் மனதில் பதிய வேண்டும். பதிந்த விஷயங்கள் மனதில் தங்கியிருக்க வேண்டும். தங்கியிருந்த விஷயங்களைத் திரும்ப நினைவுக்குக் கொண்டு வர வேண்டும். இதுதான் நினைவுத் திறனுக்கு அடிப்படை. இந்த வரிசையில் பாடங்களைப் படிக்கப் பழக்குங்கள்.

ஆசிரியர் தொடர்ந்து பாடம் எடுத்து எடுத்து ஒரு கட்டத்தில் அவரால் கண்ணை மூடிக்கொண்டே ஒரு பாடத்தைத் தெளிவாகக் கற்பிக்க முடியும். அதேபோலத்தான் பாடமும். முதல்நாள் ஒரு எஸ்ஸேயைப் படிக்க ஒரு மணிநேரம் ஆகும். தொடர்ச்சியாக அடுத்தடுத்த நாள் அதைப் படிக்க குறைந்த நேரமே தேவைப்படும். இதைப் பிள்ளைகளிடம் எடுத்துக் கூற வேண்டும். சில கஷ்டமான கேள்விகளை விஷுவலாக நினைத்துப் பார்ப்பது பயனளிக்கும். தேர்வின்போது அந்த விஷுவல் கைகொடுக்கும். தேர்வுக்காகக் கஷ்டப்பட்டு படிக்காமல், இஷ்டப்பட்டுப் படிக்கப் பிள்ளைகளை உற்சாகப்படுத்துங்கள்.
சாப்பிடும்போது சில உணவுப் பொருள்களை மென்றும் விழுங்கியும் குடிப்பது போல, தேர்வுக்காகத் தயாராகும் மாணவர்கள் சில விஷயங்களை மனப்பாடம் செய்து, எழுதிப் பார்ப்பது நல்லது. சிலவற்றை க்விஸ் மாதிரி வைத்துக்கொள்ளலாம். இதற்கெல்லாம் பெற்றோர்கள் உதவலாம். தேர்வுக்காகப் படிக்கும் பிள்ளைகளிடம் எப்போதும் கண்டிப்போடு நடக்க வேண்டாம். அவர்களைச் சந்தோஷமான மனநிலையில் வைத்திருங்கள். அவர்களுக்குப் பிடித்த இசையைக் கொஞ்சநேரம் கேட்கவும் பிடித்த விளையாட்டைக் கொஞ்சநேரம் விளையாடவும் அனுமதியுங்கள்.

தேர்வுக்கு முன்பே பெற்றோர்கள் தங்கள் பிள்ளைகளுக்கு நல்ல பேனாவை வாங்கித் தருவது அவசியம். அந்தப் பேனாவால் ஒரு நோட்டில் படிப்பதையெல்லாம் குறிப்பெடுக்கக் கூறுங்கள். தேர்வின்போது அந்தக் குறிப்புகள் சிறப்பாக எழுத உதவும். தேர்வுக்குப் போனால் பிறரிடம் பேசுவதைத் தவிர்க்கச் சொல்லுங்கள். அது தேவையற்ற மனப் பதற்றத்தைக் குறைக்க உதவும். தேர்வு அறையில் வினாத்தாளை வாங்கியவுடன் உடனே எழுத ஆரம்பிக்காமல், கொஞ்சம் மூச்சை இழுத்து மெல்ல மெதுவாக வெளியேவிடச் சொல்லுங்கள். இப்படிச் செய்யும்போது மனம் சாந்தம் அடையும். சாந்தமான மனநிலையில் படித்ததெல்லாம் நினைவுக்கு வந்துவிடும். தேர்வைச் சிறப்பாக எழுத அது உதவும்.

தேர்வு எழுத ஆரம்பிக்கும்போதுதான் பதற்றம் இருக்கும். தொடர்ந்து எழுதத் தொடங்கிவிட்டால் அது மெல்ல மெல்லக் குறைந்துவிடும் என்பதைப் பிள்ளைகளிடம் கூறி, தன்னம்பிக்கையோடு தேர்வை எதிர்கொள்ளச் சொல்லுங்கள்”

கல்விப் பணியில் சுப.செல்வம்
செயலாளர்
கல்வி வளர்ச்சி கழகம்.

Tuesday, 26 February 2019

முதல் செஞ்சுரி பதிவானது சேலத்தில்.....!

முதல் செஞ்சுரி பதிவானது சேலத்தில்.....!

இந்த வருட கோடை வெயில் தனது முதல் செஞ்சுரியை சேலத்தில் (102) பதிவு செய்தது.

தர்மபுரியில் (101), திருத்தணியில் (100) ஃபாரன்ஹீட் வெப்பம் பதிவாகியுள்ளது.

நுங்கம்பாக்கத்தில் 90 ஃபாரன்ஹீட் (32.2 டிகிரி), வெப்பநிலையும், மீனம்பாக்கத்தில் 91 ஃபாரன்ஹீட் (32.7 செல்சியஸ்) வெப்பநிலையும் பதிவாகியுள்ளது.

Saturday, 23 February 2019

வாக்காளர் பெயர் சேர்க்கை, திருத்தம் சிறப்பு முகாம்

வாக்காளர் பெயர் சேர்க்கை, திருத்தம் சிறப்பு முகாம்

*23.02.2019 சனி மற்றும் 24.02.2019 ஞாயிறு ஆகிய இரண்டு நாட்கள் வாக்காளர் பட்டியலில் பெயர் சேர்த்தல், திருத்தம் மற்றும் நீக்கம் தொடர்பான சிறப்பு முகாம் நடைபெற உள்ளது.*

*31.12.2000-ம் நாளன்றோ அல்லது அதற்கு முன்போ பிறந்தவர்கள் வாக்காளர் பட்டியலில் பெயர் சேர்க்க தகுதியானவர்கள் ஆவார்கள்.*

*விண்ணப்பத்துடன் இருப்பிட ஆதாரம், வயதுக்கான ஆதாரம் ஆகியவற்றுடன் ஒரு வண்ண புகைப்படம் ஒன்றை இணைக்க வேண்டும்.*

*மானவர்கள் மற்றும் இளைஞர்கள் ஆகியோர், வாக்காளர் பட்டியலில் உங்கள் பெயர் இடம்பெறுவதை உறுதி செய்து கொள்ளுங்கள், இந்த நல்வாய்ப்பை நழுவ விடாதீர்கள்.*

*இடம்: உங்கள் வாக்குச்சாவடி மையம்.*

*தொடர்பு கொள்ள வேண்டிய அலுவலர்:*
*உங்கள் வாக்குச்சாவடி நிலை அலுவலர் - BOOTH LEVEL OFFICER (BLO).*👍🏾👍🏾👍🏾😊

Thursday, 21 February 2019

உயிர் மரம்- சிறுகதை

உயிர் மரம்

    மா​லை ​நேரம் அலுவலகத்தில் இருந்து வீடு திரும்பிய மதன் அப்பப்பா இன்று ஏன்  மா​லை 5 மணிக்குக் கூட இவ்வளவு ​வெயில் அடிக்குது என்று கூறிய படி​யே அலுவலகப்​பை​யை ​மே​ஜையில் ​வைத்துவிட்டு வர​வேற்ப​றையில் அமர்ந்தான். என்னங்க இந்த காபி​யை குடித்துவிட்டு சும்மா உட்கார்ந்து டிவி பார்த்துக்​கொண்டு இருக்காமல் ​மொட்​டைமாடியி​னை ​கொஞ்சம் சுத்தம் ​செய்துவிட்டு வாங்க​.  ​நேற்று இரவு ஒரளவு ​பெய்த ம​​ழையில் தண்ணீர் குழாய் வழி​யே தண்ணீர் வராமல் ஏ​தோ அ​டைத்து இருக்கிறது. அது என்ன​வென்று பாருங்க​ளேன். நம்ம வீட்டில உள்ள இரண்டு மரமும் மாடிக்கு ​மே​லே வளர்ந்து விட்டது. அதில் இருந்து விழர இ​லைச் சருகுகள்தான் குழாயி​னை அ​டைத்திருக்கும். இரண்டு வாரத்திற்கு முன்னாடி​யே அந்த மரத்​தை ​வெட்ட ஆள் வர​சொல்லிருக்கி​றே​னென்று ​சொன்​னீர்கள்? என்னாச்சு. அவர்ம​​னைவி ​தொண​தொணக்க ஆரம்பிக்க அவனது எண்ணம் பின்​னோக்கிச் ​செல்ல ஆரம்பித்தது.

    திருமணம் முடித்த ​கை​யோடு மதன் நகரமும் அல்லாத கிராமமும் அல்லாத அந்த ஊரில் ஒரு வாட​கை விட்டில் தனது அன்பு ம​னைவி​யோடு குடி​யேறினான். அந்த வீட்டில் ஒரு வர​வேற்ப​றை, ஒரு படுக்​கைய​றை மற்றும் ச​மையல​றை என்ற எளிய வசதிகள் இருந்தாலும் வாழ்​கை மிகவும் அன்பாக பிரியமாக ​​சென்று ​கொண்டிருந்தது. இந்த அன்பான வாழ்​கையின் பயனாக அவர்களுக்கு அடுத்தடுத்து பொண்​ணொன்று               ஆ​ணொன்று என இரண்டு குழந்​தைகள். பிள்​​ளைகளின் பள்ளிப் பருவம் அந்த வீட்டில் ஆரம்பமாகி இனி​தே ​சென்று ​கொண்டிருக்க இன்னும் சற்று ​பெரிய வீடு அவர்களுக்கு அத்யாவாசியத் ​தே​வையானது.

    அவனும் சுற்றும் முற்றும் ​தேடிப்பார்த்தான் இது ​போன்ற அன்பான சுற்றங்கள் உள்ள வீடு அ​மையவில்​லை.  உட​னே இனி நாம் புதியதாக இடம் வாங்கி வீடு கட்டி அங்கு ​செல்​வோம் என்ற முடிவுக்கு வந்தான். அரு​மையான இடம் ஒன்று நகரத்தின் கிழக்கு எல்​லைப் பகுதியில் அதுவும் சா​லை​யோரம் கி​டைக்கப்​பெற்றது.   அந்தப் பகுதியில் அப்​போதுதான் ஒன்று இரண்டு என வீடுகள் வளர ஆரம்பித்து இருந்தன. இவனும் கிராமத்தில் இருக்கும் அவனது தந்​தையின் ஆ​லோச​னைப் படி அந்த இடத்​தை வாங்கி வங்கியில் கட​னை வாங்கி ​மேலும் தன்னிடம்  உள்ள ​சேகரிப்​பை எல்லாம் உப​யோகித்து உருப்படியாக ஒரு வீட்​டைக்கட்டி அதற்கு தனது தாய் தந்​தை ​பெயரி​னை இ​ணைத்து ​பொன்மணியகம் எனும் ​பெயர் சூட்டி நல்ல​தொரு நாளில் ​சொந்த பந்த​மெல்லாம் வாழ்த்த ​பொன்மணியகத்தில் குடிபுகுந்தான்.  வீடு அந்நகரின் ​பெரிய இஞ்சினியர் வடிவ​மைத்து கட்டிக்​கொடுத்தது. நான்கு ​சென்ட் நிலம்தான் என்றாலும் அவன் மனதில் நி​னைத்த கனவு இல்லத்தி​னை உருவாக்கி இருந்தான். வீட்டின் முகப்பில் சிறிய​தொரு ​தோட்ம், ம​ழைநீர் ​சேகரிக்கத் தனியாகவும் மற்றும் பஞ்சாயத்து குடிநீர் ​சேகரிக்கத் தனியாகவும் இரு ​தொட்டிகள், ​  போர்டி​கோ மற்றும் பல அ​றைகள் அ​மைத்த இரு மாடிக் கட்டிடம் அது

    வீட்டில் குடி​யேறி ஒரு இரண்டு மாதங்கள் இருக்கும் அப்​போது அவன் மகள் 5ம் வகுப்பும் மகன் 1வது வகுப்பும் படித்துக் ​கொண்டிருந்தார்கள். வீட்டின் கிழக்கு மற்றும் ​தெற்கு தி​சைகளில்  மண்சா​லை அ​மையப்​​பெற்ற முக்கு வீடு அது. வீட்​டைச் சுற்றி சா​லை​யோரம் அழகான மரங்கள் ​வைக்க ​வேண்டும் என்ற சிந்த​னை அவர்களுக்கு ​தோன்றியது. வீட்டு காம்பவுண்டு சுவற்றின் ​வெளிப்பகுதியில் மூன்று இடங்க​ளை ​​தேர்வு ​செய்து அதில் இரண்டு ​சிவப்பு ​கொன்​றை மரக்கன்​றுக​ளையும் (காட்டின் தீச்சுடர்) ஒரு சரக்​கொன்​றை மரக்கன்​றையும் நட்டி ​வைத்து அ​வைக​ளை கால்ந​டைகளிடம் இருந்து காப்பாற்ற அழகான ​வேலிய​மைத்து நல்ல தண்ணீர் விட்டு வளர்த்து வந்தார்கள்.  பிள்​​ளைகளும் வளர்த்தார்கள் மரங்களும் வளர்ந்தன. மரம் முதல் மாடி உயரம் வளர்ந்திருந்த சமயம் அ​வை பூக்க ஆரம்பித்தன. ​ சிவப்பு கொன்​றை மரம் முழுவதும் ​செந்நீறப் பூக்களாகவும் சரக்​கொன்​றை மஞ்சள் நிறப் பூக்களாகவும் பூத்துக் குலுங்கி சா​லையில் ​செல்​வோர் அ​னைவ​ரையும் ​வெகுவாகக் கவர்ந்தது. பார்ப்​போர் அ​னைவரும் மரங்க​ளையும், பூக்களின் அழகி​னையும் ​வெகுவாக பாராட்டினர். அதனால் அவனுக்கு த​லைகன​​​மே வந்தது என்றால் பார்த்துக்​கொள்ளுங்க​ளேன்!

    அப்​போதுதான் அந்தப்  பிரச்சி​னை வந்தது. அன்று சனிக்கிழ​மை மதன்  ​வெளியில் ​சென்று இருந்தான். அவனது ம​னைவிடம் இருந்து அவசரமாக ​போன் வந்தது. என்னங்க! இன்று மின்த​டை, மின்சார ஊழியர்கள்  அரிவா​ளோடு நம் பகுதியில் உள்ள மரக்கி​ளைக​ளை எல்லாம் ​வெட்டிக்​கொண்டிருக்கின்றார்கள் நீங்க உட​னே வீட்டுக்கு வாங்க என்று. பதறி ஓடி வந்​தான்.  அவனது வீட்டிற்கு எதிர் தி​சையில்தான் மின்சார வயர்கள் ​சென்று ​கொண்டிருந்தன, இருந்தாலும் அங்கு வந்த த​லை​மை மின் ஊழியர் இரண்டு ​பெரிய ​கொப்புக​ளை கட்டாயம் ​வெட்ட ​வேண்டும் ! ​ரொம்ப முரண்டு பிடித்தீர்கள்​ என்றால்  மரத்​தை​யே ​வெட்டி விடு​வேன் என்று பயமுறுத்தினார். ​கெஞ்சிப்பார்த்தான்! அவர் ​கேட்கவில்​லை! சார், எதிர் தி​சையில மரம் இருந்தாலும் அடுத்து ஆடி மாதம் வருது அடிக்கிற காத்துல இந்தக் கி​ளை உ​டைஞ்சு ​லைன் ​மேலதான் விழும் அது ​பெரிய விபத்துல ​போய் முடியும் என அவர் ​செயலுக்கு நியாயம் ​சொல்லிக் ​​கொண்டிருந்தார் மின் ஊழியர்.  அவன் ​பொறு​மையாக ​பேசி அவ​ரைத் தனியாக அ​​ழைத்துக் கவனித்து அனுப்பிய பின் மரம் தப்பியது. இப்படி ஒவ்​வொரு மின்த​டை நாளிலும் மரத்​தைக் காப்பாற்றி வளர்த்து ​பெரிய மரமாக்கிவிட்​​டான்.

    அவன் மகளும் பள்ளிப் படிப்​பை முடிந்து ​வெளியூரில்  கல்லூரிப் படிப்​பை முடித்து இப்​போது பட்ட ​மேற்படிப்பு படித்து வருகின்றாள்.  மகன் பள்ளியில் ​மேல்நி​லைப்படிப்பு படித்து வருகிறான். அவனது மரங்களில் பூக்கும் பூக்க​ளையும் அந்த சிறியத் ​தோட்டச் ​செடிகளில் மலரும் பூக்க​ளையும் அவனது சமூக வ​லைத்தள பக்கங்களில் சினிமாக்         கவி​தைகளுடன் கலந்து ​வெளியிடுவது அவனது வாடிக்​கை. இப்​போ சமீபத்தில் அந்த மின்கம்பிகளுக்குப் பதிலாகப் ​பெரிய பிளாஸ்டிக் ​கேபிள் வயர்களாக மாற்றியதனால் மரம் வளர்க்க மின்வாரியம் மூலம் வந்த பிரச்ச​னை ஒரு வழியாக ஓய்ந்தது.

    இப்​போது  பிரச்சனை ​வேறு ரூபத்தில் வந்தது. வீட்டுப் ​போர்டி​கோ​வை அவன்  புதிதாக வாங்கிய கார் முழுவதுமாக அ​டைத்து நின்றது என​வே சிறிய ​தோட்டம் இருக்கும் பகுதியில் வண்டி மற்றும் ​சைக்கி​​ளை நிறுத்த சிறிய ​செட் ​போட ​வேண்டிய  அவசியம் வந்தது. எஞ்சினியர் வந்தார். சார் ​செட் ​போட ​வேண்டும் என்றால் ஒரு மரத்​தை நம் ​வெட்டியாக ​வேண்டும் என்றார். மரத்துக்கு பங்கம் வராமல் அந்தப் பகுதியில் சிறிய செட்டும் மற்றும் சிறிய ​​​இரும்பு கேட் ​போட்ட வாசலும்  நிறுவினான்.     அடுத்தாக அவன் வீட்டில் உள்ளவர்க​ளே அரற்ற ஆரம்பித்தார்கள்.  இந்த சின்னகேட் வழி​யே வண்டியி​னை மற்றும் ​சைக்கி​ளை எடுப்பது மிகவும் சிரமமாக உள்ளது ​மேலும் மரம் உயரமாக வளர்ந்து நிழல் விழுவதால் ​தோட்டத்தில் உள்ள ​செடிகளில் முன்பு போல  பூக்கள் பூப்பதில்​லை அதுவும் இன்றி மரத்தில் உதிரும் இ​லைச் சருகுக​ளை கூட்டிப் ​பெருக்கி எடுப்பது ​பெரிய ​வே​லையாக உள்ளது. மரத்​தை ​வெட்டி விடு​வோம் என அவனது ம​னைவி​யே நச்சரிக்க ஆரம்பித்தாள்.  அன்று அவனது அப்பா ஊரிலிருந்து வந்திருந்தார் அவரிடமும் அவள் புலம்ப ஆரம்பிக்க அப்பா ​வெளியில் வந்து ​தெருவில் நின்று மரத்​தை ஆய்வு ​செய்தார். மரம் இந்த செட்டி​னை அழுத்திக் ​கொண்டு நிற்கிறது ​மேலும் இந்த ​ரோடு இன்னும் பஞ்சாயத்தால் தார் அல்லது சி​மென்ட் சா​லையாகப் ​போட்டு பராமரிக்கப்படவில்​லை என​வே மரத்​தை ​வெட்டுவதாக இருந்தால் இப்​போ​தே ​வெட்டி விட ​வேண்டும். சா​லை ​போடப்பட்டால் அது அரசாங்க மரமாகிவிடும் பின்னர் அத​னை நாம் நி​னைத்தது ​போல ​வெட்ட முடியாது என​வே மரத்​தை இப்​போ​து ​வெட்டி விடுவது தான் புத்திசாலித்தனம் என அவரும் அறிவு​ரை கூறினார்.  மதனும் பல ​கோணங்களில் சிந்தித்துப் பார்த்தான். மரம் வீட்டின் இரண்டாவது மாடியி​னை ​தொடும் உயரத்திற்கு வளர்ந்து விட்டது. மரம் ​​வெட்டும் ஒருவ​ரை அ​ழைத்து வந்து மரத்தி​னை பாதுகாப்பாக ​வெட்டுவதற்கு என்ன வழி என்று அவனும் ஆ​லோச​னை ​செய்தான். அவரும் இத​னை இவ்வாறு பாதுகாப்பாக ​வெட்டி அகற்றி விடலாம் என்று கூறி சார், எப்​போது ​​வெட்ட ​வேண்டு​மென்று ​சொல்கின்றீர்க​ளோ அன்று ​​மேலும் இரண்டு நபர்க​ளைக் அ​ழைத்து வந்து வெட்டி விடுகி​றோம் எனக் கூறிச் ​சென்றார். அவனும் சரி ஒரு விடுமு​றை தினத்தில் கூப்பிடுகி​றேன் அன்று வாருங்கள் என்று அவ​ரை அனுப்பி ​வைத்தான்.     பதிநான்கு ஆண்டுகளாக வளர்ந்த மரம்,  பிரிவதற்கு மிகவும் கஷ்மாக இருந்தது மதனுக்கு.  மரம் ​​வெட்டும் நபரிடம் ​பேசி இரண்டு வாரம் கடந்து விட்டது.

    மீண்டும் ம​னைவியிடம் இருந்து என்னங்க அப்படி​யே பிரம்​மை பிடித்த மாதிரி உட்கார்ந்து இருக்கீங்க? ​மொட்​டைமாடியில் ​​சென்று அது என்னவென்று   பாருங்கள் என்று ம​னைவி அதட்டியவுடன் ப​ழைய நி​னைவுகளில் இருந்து விடுபட்டு இரண்டாவது மாடிக்கு ஏற ஆரம்பித்தான் மதன்.

    தண்ணீர் வரும் குழாய்களின் முகப்பில் அ​டைத்து இருக்கும் சருகுக​ளை சுத்தம் ​செய்து ​கொண்​டே மரத்​தைப் பார்த்தான் அது கம்பீரமாக  த​​ழைத்து வளர்ந்திருந்தது. அப்​போது மரக்கி​ளைகளில் அவன் கண்ட காட்சி அவ​னை அப்படி​யே உ​றையச் ​செய்தது.

    அந்தி மா​லை ​நேரம் மரத்தின் ​மே​லே பல ​தேன்சிட்டுகள் ​ஜோடி ​ஜோடியாக அமர்ந்து இருந்தன.  அந்த பற​வைகளின் சத்தம் அவனுக்கு சங்கீதமாக ஒலித்தது. மரத்தின் கி​​​ளைகளில் ஐந்து கூடுகள் இருந்தன.  அதில் ஓரு கூட்டில் இரண்டு குஞ்சுகள் இருந்தன. தாய் சிட்டு வாயில் இருந்த உணவி​னை தன் குஞ்சுகளுக்கு ஊட்டிக்​கொண்டு  இருந்தது. தாய் சிட்டு ​சேய்களுக்கு உணவூட்டும் காட்சி அவனது ​நெஞ்​சைக் கனக்கச் ​செய்தது. ஐயய்​யோ! இந்த மரத்​தையா ​வெட்ட நி​​னைத்​தோம்? எத்த​னைக் கூடுகள் இங்​கே இருக்கின்றன? ​தெரிந்​தோ ​தெரியாம​லோ இந்தப் பற​வைகளுக்கு  இன்னல் இ​ழைக்கப்பார்த்​தே​னே? மாட்​டேன் இனி எனக்கு எந்த ​சோத​னை வந்தாலும் இந்த மரத்​தை ​வெட்டவும் மாட்​டேன் யா​ரையும் ​வெட்ட விடவும் மாட்​டேன் எனும் முடி​வோடு ​மாடிலிருந்து கீழிறங்க ஆரம்பித்தான் மதன். கீ​ழே வந்தவுடன் ​மே​லே உயரமாக வளர்திருக்கும் மரத்​தைப் பார்த்தான்.

நீ உண்​மையி​லே உயரமான மரம் மட்டும் அல்ல, இத்த​​னைப் பற​வைகளுக்கும்  கூடு கட்ட இடம் தந்த உன்னதமான மரம் ​மேலும் எனக்கும் என்வீட்டார்க்கும் பிராண வாயு தந்து எங்க​ளை உயிர்ப்பிக்கும் உயிர் மரம் என்று அத​னை ​கைகூப்பி வணங்க ஆரம்பித்தான் . அவன் கண்கள் இரண்டும் அப்​போது பனித்திருந்தன.

சாமி

Sunday, 17 February 2019

சாலை பாதுகாப்பு மற்றும் விழிப்புணர்வு வாரத்தையொட்டி திருச்சி அண்ணா பல்கலைக்கழக ரோட்டரக்ட் சங்கம் சார்பில் விழிப்புணர்வு நிகழ்ச்சி

சாலை பாதுகாப்பு மற்றும் விழிப்புணர்வு வாரத்தையொட்டி திருச்சி அண்ணா பல்கலைக்கழக ரோட்டரக்ட் சங்கம் சார்பில் திருச்சி-புதுக்கோட்டை தேசிய நெடுஞ்சாலையில் அமைந்துள்ள தி.நல்லூர் சுங்கவரி சாவடியில் வாகன ஓட்டிகளுக்கு விழிப்புணர்வு ஏற்படுத்தும் வகையில் துண்டு பிரசுரம் வழங்கப்பட்டது மேலும் இரவில் விபத்துகளை குறைக்க கண்கூசும் ஒளிச்செரிவை குறைக்க முகப்பு விளக்கில் கருப்பு வில்லைகள் ஒட்டப்பட்டன. இந்நிகழ்ச்சியை ரோட்டரக்ட் சங்க உறுப்பினர் கோ. கெளதம் தலைமையேற்று நடத்தினார். மேலும்,இந்நிகழ்ச்சியில் ரோட்டரக்ட் மாவட்ட பிரதிநிதி ரெ.லோகேஷ்குமார் மற்றும்,ரோட்டரி மாவட்ட செய்தி தொடர்பாளர் திரு.மோகன்ராஜ் முன்னிலை வகித்தனர்.மேலும் நிகழ்ச்சியின் செயலாளர் ப.அமுல்ராஜ், சங்கத்தின் தலைவர் ஜெ. ஜெரிஷ் ஓபேத் , சங்க ஆலோசகர் முனைவர் பி.மணி, புகைப்பட கலைஞர் கார்த்திக் மற்றும் ரோட்டரக்ட் சங்க உறுபினர்கள் பலர் கலந்துக்கொண்டனர் . மேலும் இந்நிகழ்ச்சியை சிறப்பிக்க காலம் கருதாமல் மக்களின் நலன் கருதியும், மாணவர்களை ஊக்குவிக்கும் வகையிலும் கீரனூர் டி.எஸ்.பி. ட.பிரான்சிஸ் அவர்களும் , புதுக்கோட்டை வாகன தணிக்கை அதிகாரி செந்தாமரை அவர்களும், மாத்தூர் ஆய்வாளர் ஜெயராமன் அவர்களும்,உதவி ஆய்வாளர்கள் ராமசந்திரன் மற்றும் செவ்வந்தி அவர்களும் மற்றும் காவல் துறையினர் பலரும் கலந்துக்கொண்டனர். இந்நிகழ்ச்சியில் மறைந்த சி.ஆர்.பி.எப். வீரர்களுக்கு அஞ்சலி செலுத்தப்பட்டது.