Wednesday, 25 March 2020

கொரோனா வைரஸ் COVID-19 அவசர உதவி அழைப்பு எண்கள்

*கொரோனா_வைரஸ்*
*COVID-19*

*அவசர உதவி அழைப்பு எண்கள்*

104 மற்றும் 1077 அனைத்து மாவட்டங்களில் அவசர உதவி அழைப்பு எண்கள்: 

அரியலூர்: 04329-228709
ஈரோடு: 0424-2260211
உதகமண்டலம்: 0423-2444012/2444013
கடலூர்:  04142-220700
கரூர்: 04324-256306
கள்ளக்குறிச்சி: 1077 04146-223265
கன்னியாகுமரி:  04652-231077 
காஞ்சிபுரம்: 044-27237107/27237207
கிருஷ்ணகிரி: 04343-234424
கோயம்புத்தூர்:  0422-2301114
சிவகங்கை: 04575-246233
செங்கல்பட்டு: 044- 27237107/27237207
சென்னை: 044-25243454
சேலம்: 0427-2452202
தஞ்சாவூர்: 04362-230121
தர்மபுரி:  04342-230562/234500
திண்டுக்கல்: 0451-2460320
திருச்சி: 0431-2418995
திருநெல்வேலி: 0462-2501070/2501012
திருப்பத்தூர்:  04179-222111
திருப்பூர்: 0421-2971199
திருவண்ணாமலை: 04175-232377
திருவள்ளூர்: 044-27664177/27666746
திருவாரூர்: 04366-226623
தூத்துக்குடி: 0461-2340101
தென்காசி: 0462-2501070 /2501012
தேனி: 04546-261093
நாகப்பட்டினம்: 04365-252500
நாமக்கல்: 04286-281425/8220402437
புதுக்கோட்டை: 04322-222207
பெரம்பலூர்: 04328-224455
மதுரை: 0452-2546160
ராணிப்பேட்டை: 0416-2258016
ராமநாதபுரம்: 04567-230060
விருதுநகர்: 04562-252601/252017
விழுப்புரம்: 04146-223265
வேலூர்: 0416-2258016

Tuesday, 24 March 2020

அடுத்த 21 நாட்களுக்கு எவை செயல்படும்?

*அடுத்த 21 நாட்களுக்கு எவை செயல்படும்?*

• ரேஷன், பால், காய்கறி, இறைச்சி, மருந்து, மளிகை கடைகள் திறந்திருக்கும்.

• அத்தியாவசிய பொருட்களை உற்பத்தி செய்யும் நிறுவனங்கள் வழக்கம் போல் செயல்படும்.

• அத்தியாவசியப் பொருட்களை ஏற்றிச் செல்லும் சரக்கு வாகனங்களுக்கு அனுமதி

• உணவுப் பொருட்கள், மருத்துவப் பொருட்கள், மருந்துகள் ஆன்லைன் மூலம் பெறலாம்.

• உணவு, மருந்துகளை டோர் டெலிவரி செய்யும் நிறுவனங்கள் செயல்பட அனுமதி.

• வங்கிகள், ஏடிஎம்கள், காப்பீடு நிறுவனங்கள் வழக்கம் போல் இயங்கும்.

• கல்வி நிறுவனங்கள், பயிற்சி மையங்கள் உள்ளிட்டவை மூடப்பட்டிருக்கும்.

• விளையாட்டு, பொழுதுபோக்கு, கலாசார நிகழ்ச்சிகளை நடத்தக் கூடாது.

• பெட்ரோல், கேஸ் ஏஜென்சிகள் செயல்படவும், பெட்ரோலிய பொருட்கள் போக்குவரத்திற்கும் அனுமதி

• இறுதிச்சடங்கு நிகழ்வுகளில் 20 பேருக்கு மேல் கூடக் கூடாது.

• *பிப்.15க்கு பின் இந்தியா திரும்பியவர்கள் சுகாதாரத்துறை அறிவுரைப்படி தனிமைப்படுத்திக் கொள்ள வேண்டும்*
• தனிமைப்படுத்தலை மீறுவோர் மீது சட்டப்படி நடவடிக்கை எடுக்கப்படும். 

Monday, 23 March 2020

மாநிலங்களுக்கு இடையே இயக்கப்படும் தனியார் மற்றும் அரசுப் பேருந்து சேவைகள் இன்று முதல், மார்ச் 31ம் தேதி வரை நிறுத்தம்: முதல்வர் பழனிசாமி அறிவிப்பு

  மாநிலங்களுக்கு இடையே இயக்கப்படும் தனியார் மற்றும் அரசுப் பேருந்து சேவைகள் இன்று முதல், மார்ச் 31ம் தேதி வரை நிறுத்தம்: முதல்வர் பழனிசாமி அறிவிப்பு


சென்னை: 3 மாவட்ட எல்லைகளை மூடும் மத்திய அரசின் பரிந்துரை குறித்து தமிழக அரசு நாளை முடிவு செய்யும் என அறிவிக்கப்பட்டுள்ளது. கொரோனா பரவலை தடுக்க இன்று நாடு முழுவதும் சுய ஊரடங்கை பின்பற்ற வேண்டும் என்று பிரதமர் மோடி வேண்டுகோள் விடுத்தார். அதனை ஏற்று நாடு முழுவதும் சுய ஊரடங்கு நடைமுறையில் உள்ளது. காலை 7 மணி முதல் இரவு 9 மணி வரை என்று அறிவிக்கப்பட்டியிருந்தது. 

இந்நிலையில் தமிழகத்தை பொறுத்தவரையில் நாளை அதிகாலை 5 மணி வரை இது நீட்டித்தது. இந்நிலையில் நாடு முழுவதும் 75 மாவட்டங்களை தனிமைப்படுத்த மத்திய அரசு அம்மாநில அரசுக்கு அறிவுறுத்தியது. இந்த பட்டியலில் தமிழகத்தை பொறுத்தவரையில் மாவட்டங்கள் இடம்பெற்றுள்ளன. சென்னை, காஞ்சிபுரம், ஈரோடு மாவட்ட எல்லைகளை மூடுமாறு தமிழக அரசுக்கு மத்திய அரசு பரிந்துரைத்தது. 

முதல்வர் அறிவிப்பு
இந்நிலையில் மாநிலங்களுக்கு இடையே இயக்கப்படும் தனியார் மற்றும் அரசுப் பேருந்து சேவைகள் இன்று முதல், மார்ச் 31ம் தேதி வரை நிறுத்தப்படுவதாக முதலமைச்சர் எடப்பாடி பழனிசாமி அறிவித்துள்ளார். சென்னையில் இன்று முதல் மார்ச் 31-ம் தேதி வரை மெட்ரோ ரயில் சேவை நிறுத்தம். வைரஸ் தடுப்பு நடவடிக்கைகளுக்கு பல்வேறு தொடர் பாதுகாப்பு நடவடிக்கைகளை அரசு எடுத்து வருகின்றது. நோய் தடுப்பு நடவடிக்கைக்கு பொதுமக்கள் ஒத்துழைப்பு வழங்க முதலமைச்சர் வேண்டுகோள் விடுத்துள்ளார். 

அரசு தரப்பில் விளக்கம் 
3 மாவட்ட எல்லைகளை மூடுவது தொடர்பாக என்ன நடவடிக்கை எடுப்பது என்று தமிழக அரசு நாளை முடிவு செய்கிறது. தற்போது வரை 3 மாவட்ட எல்லைகள் மூடப்படவில்லை என தமிழக அரசு தரப்பில் விளக்கம் அளிக்கப்பட்டுள்ளது...


                              

மாவட்டங்கள் முடக்கமும் 144

   மாவட்டங்கள் முடக்கமும் 144 தடையுத்தரவும் ஒன்றா?- ஓய்வுபெற்ற காவல் அதிகாரி விளக்கம்


சென்னை, காஞ்சிபுரம், ஈரோடு மாவட்டங்களுக்கு கட்டுப்பாடு விதிப்பதால் என்ன நடக்கும்? முடக்கம் என்ற வார்த்தை சரியானதா? 144 தடையுத்தரவு போன்றதா முடக்கம் என்பது குறித்து ஓய்வுபெற்ற காவல் அதிகாரி கருணாநிதியிடம் கேட்டபோது அவர் விளக்கம் அளித்துள்ளார்.
கரோனா வைரஸ் தொற்று பரவாமல் இருக்க இந்தியா முழுவதும் கடுமையான நடவடிக்கை எடுக்கப்பட்டு வருகிறது. பொதுமக்கள் ஒன்றுகூடாமல் தனிமைப்படுத்துவதன் மூலம் தொற்று ஏற்படாமல் தடுக்க முடியும், அடுத்தவருக்கும் பரவாமல் தடுக்க முடியும் என்பது மருத்துவர்களின் வாதம்.

பொதுமக்கள் தனிமைப்படுத்துதலுக்கு ஏதுவாக பள்ளிகள், கல்லூரிகளுக்கு விடுமுறை, தியேட்டர்கள், மால்கள், சுற்றுலாத் தலங்கள் அனைத்தும் மூடப்பட்டன. வழிபாட்டுத் தலங்களும் மூட உத்தரவிடப்பட்டது. பொதுமக்கள் மார்ச் 31-ம் தேதி வரை வெளியில் வருவதை கூடியவரை தவிர்க்க கேட்டுக்கொள்ளப்பட்டது.
சமூகத் தனிமைப்படுத்துதல் என்பதை ஏற்காமல் பொதுமக்கள் பயணம் செய்வதும், ஒன்றுகூடுவதையும் தடுக்க அரசு பல்வேறு நடவடிக்கைகளை எடுத்து வருகிறது. கரோனா பரவலுக்கு எதிராக பல முன்னெச்சரிக்கை நடவடிக்கைகளை எடுத்து வருகிறது. ரயில்கள், விமான சேவை அடியோடு ரத்து செய்யப்பட்டுள்ளது. வெளிநாட்டு விமானங்கள் வருவதற்கும் தடை விதிக்கப்பட்டுள்ளது.
பிரதமர் கேட்டுக்கொண்டபடி இன்று மக்கள் ஊரடங்கு கடைப்பிடிக்கப்பட்டது. காலை 7 மணிமுதல் இரவு 9 மணி வரை யாரும் வீட்டை விட்டு வெளியே வரவேண்டாம் என்கிற கோரிக்கை ஏற்று யாரும் வீட்டைவிட்டு வெளியே வரவில்லை. இதனிடையே இன்று திடீரென புதிய உத்தரவு ஒன்று பிறப்பிக்கப்பட்டுள்ளது.
அதன்படி இந்தியா முழுவதும் 75 மாவட்டங்கள் முடக்கப்படுவதாக அறிவிக்கப்பட்டுள்ளது. முடக்கம் என்பதைவிட கட்டுப்பாடு என்பதே சரி என்கின்றனர். இதில் சென்னை, காஞ்சிபுரம், ஈரோடு மாவட்டங்களும் அடங்கும். 3 மாவட்டங்கள் முடக்கம் என்றால், அது 144 தடையுத்தரவு போன்றதா என்கிற கேள்வி பொதுமக்களிடம் எழுந்துள்ளது.

கட்டுப்பாட்டுக்கும் 144 தடையுத்தரவுக்கும் பெரிய அளவில் வித்தியாசம் உள்ளது. இது பெரும்பாலும் மக்கள் ஒன்றுகூடுவதை தடுப்பதற்கான முயற்சிகளில் ஒன்று என்றே கூறப்படுகிறது.
இதுகுறித்து ஓய்வுபெற்ற காவல் அதிகாரி கருணாநிதியிடம் கேட்டபோது அவர் கூறியதாவது:
அது சரியான வார்த்தையா?
அப்படிச் சொல்ல முடியாது. கட்டுப்பாடு கூடுதலாக விதிக்கப்படுகிறது. கட்டுப்பாடு என்றுதான் குறிப்பிட வேண்டும். தற்போதுள்ள நிலையிலிருந்து கூடுதலாக சில நடவடிக்கைகளை இந்த மூன்று மாவட்டங்களிலும் எடுப்பார்கள்.
அப்படியானால் என்ன நடக்கும்?
ஜன நெருக்கம் உள்ள நகரங்கள், பொதுமக்கள் உள்ளிட்ட நிறைய வெளியூர் ஆட்கள் குவியும் மாவட்டங்கள் என்பதால் சில கட்டுப்பாடுகளைக் கொண்டு வருவார்கள். அதாவது அத்தியாவசிய சேவைகள் தவிர மற்ற விஷயங்களுக்குக் கட்டுப்பாடு வரும். அதாவது பொதுமக்கள் கூடுவதால்தானே இந்தப் பிரச்சினை ஏற்படுகிறது, பரவுகிறது. அதனால் அதைக் கட்டுப்படுத்தும் நடவடிக்கைகளில் ஈடுபடுவார்கள்.
அப்படியானால் கடைகள் திறப்பது உள்ளிட்ட விஷயங்கள் என்ன ஆகும்?
கடைகள் திறந்து வைப்பதிலும் முக்கியமான அத்தியாவசியப் பொருட்கள் தவிர மற்ற விஷயங்களைக் குறைக்க முயல்வார்கள். இதைவிட கார்ப்பரேட் கம்பெனிகள், ஆலைகள் உள்ளிட்ட விஷயங்களில் மக்கள் கூடுவதை தவிர்க்கவே இந்த ஏற்பாடு. இது தவிர ரயில், போக்குவரத்து மூலம் பரவுவதால் அதன் மூலம் பரவாமல் தடுக்க நடவடிக்கை எடுக்கப்படும். மக்களின் அத்தியாவசிய சேவை, சிறிய கடைகள் மற்ற விஷயங்களில் கட்டுப்பாடுகள் இருக்காது என்று நினைக்கிறேன்.
அப்படியானால் வெளி மாவட்டத்திலிருந்து வாகனங்கள் வருவதை தடுப்பார்களா?
அனுமதிக்க வாய்ப்பில்லை. மிகவும் கண்காணிப்புடன் இருப்பார்கள். மற்ற மாவட்டங்களிலும் கேட்டுள்ளதாகச் சொல்கிறார்கள்.
அப்படியானால் இதற்கும் 144-க்கும் என்ன வித்தியாசம்?
144 என்பது கடுமையான கட்டுப்பாடு இருக்கும். இது தனிப்பட்ட முறையில் கட்டுப்பாட்டைக் கடைப்பிடிக்க வலியுறுத்துவது. டிராபிக் ரெகுலேஷன் போன்று இருக்கும். 144 -ல் மிகவும் கட்டுப்பாடாக இருப்பார்கள் வெளியில் வந்தால் கைதே நடக்கும். இதில் வேண்டுகோளாக கேட்டுக்கொள்வார்கள். இது மக்களின் நன்மைக்காக போடுவது என்பதால் ஆர்டராக இல்லாமல் வேண்டுகோளாக இருக்கும்.
இதற்கான உத்தரவு வந்துவிட்டதா?
இதுவரை 3 மாவட்டத்துக்கும் வரவில்லை என்கிறார்கள். பொதுவாக வந்துள்ளது என்கிறார்கள். அதில் உள்ள விளக்கங்கள் குறித்து இனிமேல்தான் தெரியவரும் என்று அதிகாரிகள் தெரிவிக்கின்றனர். அது வந்தபிறகே என்ன நிலைப்பாடு என்பது முழுமையாக தெரியவரும்.
சட்டம் போடுகிறார்கள் என்பதற்காக அல்லாமல் பொதுமக்கள் தாமாக நமக்குரிய நன்மைக்கான விஷயம் என்பதை உணர்ந்து ஒத்துழைக்க வேண்டும். வீண் பீதி அடைய வேண்டாம் என்று கேட்டுக்கொள்கிறேன்.
இவ்வாறு ஓய்வுபெற்ற காவல் அதிகாரி கருணாகரன் தெரிவித்தார்.