https://drive.google.com/open?id=13X8XQ32SfkbLbYGX6dmotIdw0OD6HLwL
#htmlcaption1 Go UP! Pure Javascript. No jQuery. No flash. #htmlcaption2 Stay Connected

NATRINAI FM


தமிழகம் , இந்தியா , அயல்நாடு , வணிகம், விளையாட்டு ,  திரை உலகச் செய்திகள் , பொது அறிவு, தினம் ஒரு துளி ,ஒரு நிமிட  யோசனை , நித்தம் ஒரு முத்து, நேயர்குரல்கள் ,வாரம் ஒரு வசந்தம், அறிவுப் பெட்டகம் ,கதை சொல்லும் நீதி  ,வாரம் ஒரு பாடல்,சிந்தனைச் சிறகு -அத்தனையும் மொத்தமாய் உங்கள் வாட்ஸ்அப்-பில் உங்களைத் தேடி தினந்தோறும் வருகிறது. . நற்றிணை  ஒலிச்செய்தியை நீங்களும்  கேட்டு ரசிக்க.., 1) பார்வை திறன் உள்ளவர்  என்றால் S JOIN 2) பார்வை மற்றுத் திறனாளி  என்றால் V JOIN  -என்று டைப் செய்து 8220999799-என்ற எண்ணுக்கு  வாட்ஸ்அப் மூலமாக அனுப்பி வையுங்கள். பதிவு எண் முதலில் வரும். நற்றிணை தொடர்ந்து வரும். தினமும் செவிமடுங்கள். #நற்றிணை ஒலிச்செய்தி#

Labels

Search This Blog

Friday, 29 March 2019

பரிசுப்பெட்டி சின்னத்தை மக்களிடம் கொண்டு சேர்க்க எங்களுக்கு ஒரு நாள் போதும்; வெற்றிவேல் பேட்டி

பரிசுப்பெட்டி சின்னத்தை மக்களிடம் கொண்டு சேர்க்க எங்களுக்கு ஒரு நாள் போதும்; வெற்றிவேல் பேட்டி

பரிசுப்பெட்டி சின்னத்தை மக்களிடம் கொண்டு சேர்க்க எங்களுக்கு ஒரு நாள் போதும் என வெற்றிவேல் பேட்டியளித்து உள்ளார்.

தமிழகத்தில் நாடாளுமன்ற மக்களவை தேர்தல் மற்றும் சட்டசபை இடைத்தேர்தல் வருகிற ஏப்ரல் 18ந்தேதி நடைபெற உள்ளது.  இந்த தேர்தலில் டி.டி.வி. தினகரன் தலைமையிலான அ.ம.மு.க. போட்டியிடுகிறது.  அக்கட்சி பதிவு செய்யப்படாத நிலையில், இந்த கட்சிக்கு குக்கர் சின்னம் ஒதுக்க முடியாது என சுப்ரீம் கோர்ட்டு அறிவித்தது.  பொது சின்னம் வழங்க பரிசீலனை செய்யலாம் என தேர்தல் ஆணையத்திடம் கூறியது.

இதனை தொடர்ந்து, புதுடெல்லியில் தேர்தல் ஆணையத்திடம் தினகரன் தரப்பில் பொது சின்னம் வழங்க கோரிக்கை வைக்கப்பட்டது.  இதன்படி, டி.டி.வி. தினகரனின் அ.ம.மு.க. வேட்பாளர்களுக்கு தேர்தல் ஆணையம் பரிசுப்பெட்டி சின்னம் ஒதுக்கீடு செய்துள்ளது.

இதுபற்றி அக்கட்சியை சேர்ந்த வெற்றிவேல், பரிசுப்பெட்டி சின்னத்தை மக்களிடம் கொண்டு சேர்க்க எங்களுக்கு ஒரு நாள் போதும் என பேட்டியளித்து உள்ளார்.

நாங்கள் கேட்ட சின்னத்தையே தேர்தல் ஆணையம் ஒதுக்கியுள்ளது என அக்கட்சியின் வழக்கறிஞர் ராஜா செந்தூர்பாண்டியன் தெரிவித்துள்ளார்.

இதேபோன்று, பரிசுப்பெட்டி சின்னத்தை மக்களிடம் தெரிவித்து தேர்தலில் வெற்றிபெறுவோம் என அக்கட்சியின் தேனி தொகுதி வேட்பாளர் தங்க தமிழ்ச்செல்வன் தெரிவித்துள்ளார்.

இந்திய அளவில் ட்ரெண்டிங் ஆன பரிசுப்பெட்டி!

இந்திய அளவில் ட்ரெண்டிங் ஆன பரிசுப்பெட்டி!

டிடிவி தினகரனின் அம்மா மக்கள் முன்னேற்றக் கழகத்துக்கு பரிசுப்பெட்டி சின்னத்தை தேர்தல் ஆணையம் ஒதுக்கி உள்ளது.

அம்மா மக்கள் முன்னேற்றக் கழகம் என்ற் கட்சியை தேர்தல் ஆணையத்தில் இதுவரை பதிவு செய்யாத காரணத்தால், குக்கர் சின்னத்தை வழங்க முடியாது என தேர்தல் ஆணையம் தெரிவித்து இருந்தது.

இதுதொடர்பான வழக்கில் தினகரனின் அமமுகவுக்கு பொதுச் சின்னம் வழங்க தேர்தல் ஆணையத்துக்கு உச்சநீதிமன்றம் பரிந்துரைத்து  உத்தரவிட்டது.

இதனை அடுத்து இன்று காலை, தினகரன் தரப்புக்கு பரிசுப்பெட்டி சின்னத்தை தேர்தல் ஆணையம் ஒதுக்கியது. இந்த தகவல் வெளியானதும் சமூக ஊடகங்களில் அவரது ஆதரவாளர்கள் சின்னத்தை பகிர்ந்தனர். இதில் ட்விட்டரில் இந்திய அளவில் பரிசுபெட்டி சின்னம் ட்ரெண்டிங் ஆகியுள்ளது

Tuesday, 26 March 2019

தமிழகத்தில் உள்ள அணைகள் தூர்வாரும் பணி 30% நிறைவு உயர்நீதிமன்ற கிளைக்கு தமிழக அரசு தகவல்

தமிழகத்தில் உள்ள அணைகள் தூர்வாரும் பணி 30% நிறைவு உயர்நீதிமன்ற கிளைக்கு தமிழக அரசு தகவல்

மதுரை: தமிழகத்தில் உள்ள அணைகளை பல்வேறு கட்டங்களாக தூர்வார திட்டமிட்டுள்ளதாக அரசு தரப்பு கூறியுள்ளது. முதற்கட்டமாக வைகை, அமராவதி,மேட்டூர் அணைகளில் தூர்வாரும் பணிகள் நடைபெற்று வருவதாக அரசு தரப்பில் கூறப்பட்டுள்ளது. தூர்வாரும் பணி 30% ம் நிறைவடைந்ததாகவும் உயர்நீதிமன்ற மதுரைக் கிளையில் அரசு தகவல் தெரிவித்துள்ளது.

மக்களவைத் தேர்தல்: இதுவரை 1000 பேர் வேட்பு மனு தாக்கல்

மக்களவைத் தேர்தல்: இதுவரை 1000 பேர் வேட்பு மனு தாக்கல்

சென்னை: தமிழகத்தில் மக்களவைத் தேர்தல் நடைபெறும் 39 தொகுதிகளில் இதுவரை 1000 பேர் வேட்பு மனு தாக்கல் செய்துள்ளனர். ஆண்கள் - 878, பெண்கள் - 120, 3-ம் பாலினத்தவர் 2 பேரும் வேட்பு மனு தாக்கல் செய்துள்ளனர். 18 தொகுதிகளுக்கான இடைத்தேர்தலில் 387 பேர் இதுவரை வேட்பு மனு தாக்கல் செய்துள்ளனர்.

Sunday, 24 March 2019

வெற்றியுடன் கணக்கை தொடங்கியது சிஎஸ்கே: முதல் போட்டியில் பெங்களூரு படுதோல்வி

*வெற்றியுடன் கணக்கை தொடங்கியது சிஎஸ்கே: முதல் போட்டியில் பெங்களூரு படுதோல்வி*

*ராயல் சேலஞ்சர்ஸ் பெங்களூருவுடனான முதல் போட்டியில் சென்னை சூப்பர் கிங்ஸ் அணி 7 விக்கெட்டுகள் வித்தியாசத்தில் அசத்தல் வெற்றி பெற்றது.*

*12-ஆவது ஐபிஎல் சீசன் இன்று சேப்பாக்கத்தில் தொடங்கியது. முதல் போட்டியில் சென்னை சூப்பர் கிங்ஸ் அணியும், ராயல் சேலஞ்சர்ஸ் பெங்களூரு அணியும் மோதின. இதில் டாஸ் வென்ற சென்னை கேப்டன் தோனி முதலில் பந்துவீச்சை தேர்வு செய்தார்.*

*அதன்படி முதலில் பேட் செய்த பெங்களூரு அணி 70 ரன்களுக்கு சுருண்டது.*

*இதையடுத்து, 71 ரன்கள் எடுத்தால் வெற்றி என்ற எளிய இலக்குடன் சென்னை அணி களமிறங்கியது. சென்னை அணியில் வாட்சன் ரன் ஏதும் எடுக்காமல் ஆட்டமிழந்தார். இதையடுத்து ராயுடுவும், ரெய்னாவும் நல்ல ஆட்டத்தை வெளிப்படுத்தினர்.*

*இந்த போட்டியில் 15 ரன்களை அடித்த ரெய்னா, ஐபிஎல் கிரிக்கெட்டில் 5000 ரன்களை எட்டிய முதல் வீரர் என்ற மைல்கல்லை அடைந்தார். இதையடுத்து, அவர் 19 ரன்கள் எடுத்திருந்த போது மொயின் அலி பந்தில் ஆட்டமிழந்தார்.*

*இதைத்தொடர்ந்து, ராயுடுவுடன் ஜாதவ் இணைந்தார். நிதான ஆட்டத்தை வெளிப்படுத்தி வந்த ராயுடு 28 ரன்கள் எடுத்த நிலையில் சிராஜ் பந்தில் போல்டானார். அதன்பிறகு, ஜாதவ் மற்றும் ஜடேஜா சென்னை அணியின் வெற்றியை உறுதி செய்தனர்.*

*சென்னை அணி 17.4 ஓவர்களில் 3 விக்கெட்டுகளை மட்டும் இழந்து 71 ரன்கள் எடுத்து வெற்றி பெற்றது.*

*ஜாதவ் 13 ரன்களுடனும், ஜடேஜா 6 ரன்களுடனும் ஆட்டமிழக்காமல் இருந்தனர்.*

இந்தியாவிலேயே தமிழ்நாட்டில் தான் மோடிக்கு செல்வாக்கு குறைவு - கருத்து கணிப்பு!

இந்தியாவிலேயே தமிழ்நாட்டில் தான் மோடிக்கு செல்வாக்கு குறைவு - கருத்து கணிப்பு!

சி ஓட்டர் நிறுவனம் நாடு முழுவதும் உள்ள அனைத்து தொகுதிகளிலும் 60,000 வாக்காளர்களிடம் மேற்கொண்ட கருத்துக் கணிப்புகளின் முடிவை வெளியிட்டுள்ளது. பிரதமர் மோடியின் செல்வாக்கு குறித்து நடத்தப்பட்ட இந்த ஆய்வில் தென் இந்தியாவில் மோடியின் செல்வாக்கு மிகவும் குறைவாக இருப்பதாக தெரியவந்துள்ளது.
 
இந்த கருத்துக்கணிப்பில் அதிகபட்சமாக ஜார்க்கண்ட் மாநிலத்தில் 74 சதவிகித மக்கள் மோடியின் ஆட்சிக்கு ஆதரவாக வாக்களித்திருக்கின்றனர். அதற்கடுத்து ராஜஸ்தான் மாநிலத்தில் 68 சதவீதம் மக்கள் மோடிக்கு ஆதரவாக கருது கூறியுள்ளனர். இந்த கருத்துக்கணிப்பில் வட மாநிலங்களில் பாஜக பெரும்பான்மை மாநிலங்களில் 45 சதவீதத்திற்கு மேல் எடுத்து பலமாக உள்ளது.

ஆனால் தென் இந்தியா பக்கம் வரும் போது மோடியின் செல்வாக்கு மிக மோசமான நிலையிலிலேயே உள்ளது. அதன்படி கர்நாடகாவில் 38 சதவீதமும், ஆந்திரா, தெலுங்கானா மாநிலங்களில் 23 சதவீதமும் கேரளாவில் 7 சதவீதமும் மோடிக்கு ஆதரவாக கருத்துக்கள் பதிவாகியுள்ளன.

இந்தியாவிலேயே மோடியின் செல்வாக்கு மிக குறைந்த இடமாக உள்ளதா தமிழ்நாட்டில் தான். தமிழகத்தில் மோடிக்கு ஆதரவாக 2.2 சதவீதம் பேர் தான் கருத்து கூறியுள்ளனர். ஜல்லிக்கட்டு, காவேரி, ஸ்டெர்லைட், இயற்கை சீற்றங்கள் போன்ற விவகாரங்கள் தமிழகத்தில் மோடியின் செல்வாக்கு குறைய காரணமாக தெரிவிக்கப்பட்டுள்ளன. 

சிஆர்பிஎஃப் வீரர்களின் குடும்பத்தினருக்கு ரூ2 கோடி நிதி அளித்தது சிஎஸ்கே

சிஆர்பிஎஃப் வீரர்களின் குடும்பத்தினருக்கு ரூ2 கோடி நிதி அளித்தது சிஎஸ்கே

புல்வாமா தாக்குதலில் உயிரிழந்த சிஆர்பிஎஃப் வீரர்களின் குடும்பங்களுக்கு சிஎஸ்கே அணி சார்பில் ரூ. 2 கோடி நிதியுதவி வழங்கப்பட்டது.

காஷ்மீரின் புல்வாமா பகுதியில் நடந்த தற்கொலை படை தாக்குதலில் 40 சிஆர்பிஎப் வீரர்கள் வீரமரணம் அடைந்தனர். இதில் தமிழ்நாட்டை சேர்ந்த இருவரும் மரணம் அடைந்தனர். இதனையடுத்து ஐபிஎல் நிர்வாகம் இந்தாண்டு ஐபிஎல் போட்டிகளின் தொடக்க நிகழ்ச்சியை ரத்து செய்து அதற்கு செலவாகும் நிதியை வீரர்களின் குடும்பங்களுக்கு அளிப்பதாக தெரிவித்திருந்தது. மேலும் சென்னையில் நடக்கும் முதல் போட்டியில் வரும் நிதி வருமானம் அனைத்தும் புல்வாமா தாக்குதலில் வீரமரணம் அடைந்தவர்களுக்கு அளிக்கப்படும் என சிஎஸ்கே அணி தெரிவித்திருந்தது.

இதனிடையே இந்திய கிரிக்கெட் அணியும் ஆஸ்திரேலியா அணிக்கு எதிரான ஒருநாள் போட்டியில் வீரர்களுக்கு அஞ்சலி செலுத்தும் விதமாக ராணுவ தொப்பி அணிந்து விளையாடினர். இதையடுத்து இன்று பெங்களூர் அணியும் சிஎஸ்கே அணியும் சென்னையில் முதல் ஐபிஎல் போட்டியை விளையாடி வருகிறது.

இந்நிலையில், புல்வாமா தாக்குதலில் உயிரிழந்த சிஆர்பிஎஃப் வீரர்களின் குடும்பங்களுக்கு சிஎஸ்கே அணி சார்பில் ரூ. 2 கோடி நிதியுதவி வழங்கப்பட்டது. போட்டி முடியும் முன்பே அறிவித்தபடி சென்னை அணி நிர்வாகம் தொகையை ஒப்படைத்துவிட்டது. மேலும் ஐபிஎல் தொடக்க விழாவுக்கான செலவுத்தொகை ரூ. 20 கோடியும் இந்திய ராணுவத்திற்கு வழங்கப்பட்டது.

ஐ.பி,எல் போட்டிகளில் 5000 ரன்களை கடந்த முதல் வீரர் என்ற சாதனையை படைத்தார் ரெய்னா

ஐ.பி,எல் போட்டிகளில் 5000 ரன்களை கடந்த முதல் வீரர் என்ற சாதனையை படைத்தார் ரெய்னா

ரெய்னாவின்  ஆட்டம் அணியுடைய வெற்றியில் பெரும் பங்கு வகிக்கும். டெஸ்ட் போட்டியில் அறிமுக ஆட்டத்திலேயே சதம் அடித்தவர், அனைத்து விதமான கிரிக்கேட் போட்டிகளிலும் சதம் அடித்த முதல் வீரர், டி20 உலக கோப்பையில் சதம் அடித்த முதல் இந்திய வீரர் என பல சாதனைகளுக்கு சொந்தகாரர் ரெய்னா..ஆனால் அவருக்கே தெரியாத சாதனையும் ஒன்று உள்ளது, பல ஸ்டிரீட் ப்ளேயர்களை இடதுகை ஆட்டாக்காரர்களாக மாற்றியவர் அவர்.. தோனிக்கு அடுத்தப்படியாக அதிக ரசிகர் பட்டாளங்களுக்கு சொந்தகாரர்ரான ரெய்னா, ஷாட் பால்களில் சொதப்பியதால் அணியில் இருந்து ஓரங்கட்டப்பட்டார்..

அம்பதி ராயுடுவுடன் கைகோர்க்க களத்துக்கு வந்தார் ரெய்னா. இருவரும் இணைந்து பொறுமையான, நிலையான ஆட்டத்தை வெளிப்படுத்தி வருகின்றனர். 7 ஓவருக்கு 24 ரன்கள்.

Saturday, 23 March 2019

உலக தண்ணீர் தினம்!

உலக தண்ணீர் தினம்! புதுக்கோட்டை அரசினர் தொழிற்பயிற்சி நிலைய நாட்டு நலப்பணித் திட்டம் மற்றும் கரம்பக்குடி ரோட்டரி சங்கம், இணைந்து உலக தண்ணீர் தினம் விழிப்புணர்வு விழா அரசினர் தொழிற்பயிற்சி நிலைய முதல்வர் எஸ் .ராமர் தலைமையில் நடைபெற்றது நிகழ்ச்சியில் சிறப்பு விருந்தினர்களாக  புதுக்கோட்டை சாலை விபத்து தடுப்பு மற்றும் மீட்பு பொது நல சங்க தலைவர் கண. மோகன்ராஜ், கரம்பக்குடி ரோட்டரி சங்க வருங்கால துணை ஆளுநர் கே.சுரேஷ். ரோட்டரி சங்க முன்னாள் தலைவர்கள் எம் அப்துல் கரீம் ஜெ.ஜேம்ஸ் எ.ஜாகீர், மற்றும் சங்க செயலாளர்  எ. அந்தோணிசாமி ஆகியோர் கலந்து கொண்டனர் நிகழ்வில் அரசினர் தொழிற்பயிற்சி நிலைய மாணவர்கள் பயன்பாட்டிற்கான ஆயிரம் லிட்டர் தண்ணீர் டேங்க் வழங்க ரூபாய் 5000த் திற்கான காசோலை வழங்கப்பட்டது நிகழ்ச்சி ஏற்பாடுகளை நாட்டு நலப்பணித்திட்ட அலுவலர் பி.ஜோதிமணி செய்திருந்தார்

புதுக்கோட்டை அரசினர் தொழிற்பயிற்சி நிலையம், புதுக்கோட்டை சிட்டி ரோட்டரி சங்கம் இணைந்து கீழ 3ஆம் விதியில் அமைந்துள்ள ஸ்ரீ வரதராஜப் பெருமாள் கோவிலில் உழவாரப்பணி

புதுக்கோட்டை அரசினர் தொழிற்பயிற்சி நிலையம், புதுக்கோட்டை சிட்டி ரோட்டரி சங்கம் இணைந்து கீழ 3ஆம் விதியில் அமைந்துள்ள ஸ்ரீ வரதராஜப் பெருமாள் கோவிலில் உழவாரப்பணி சங்கத் தலைவர் எஸ் . அழகப்பன் தலைமையில் நடைபெற்றது புதுக்கோட்டை அரசினர் தொழிற்பயிற்சி நிலைய மேலாண்மைக்குழு உறுப்பினர் க.மோகன்ராஜ் முன்னிலையில் கோவில் வளாகம் முழுவதும்  சுத்தம் செய்யும்  செய்யும் பணி நடை பெற்றது நிகழ்ச்சியில் நாட்டு நலப்பணித்திட்ட அலுவலர் பி ஜோதிமணி, சங்கச் செயலாளர் கே என் செல்வரத்தினம், சிவாஜி சமூக நல பேரவை தலைவர் சுப்பையா ,பாலாஜி மாணவர்கள்,மற்றும் பலர் கலந்து கொண்டனர்




உள் தமிழகத்தில் 2 நாட்களுக்கு இயல்பை விட வெப்பம் அதிகரிக்கும் - சென்னை வானிலை ஆய்வு மையம்...

உள் தமிழகத்தில் 2 நாட்களுக்கு இயல்பை விட வெப்பம் அதிகரிக்கும் - சென்னை வானிலை ஆய்வு மையம்...

*உள் தமிழகத்தில் அடுத்த 2 நாட்களுக்கு இயல்பை விட வெப்பம் அதிகரிக்கும் என்று சென்னை வானிலை ஆய்வு மையம் தெரிவித்துள்ளது.*

*வேலூர், திருவண்ணாமலை, கிருஷ்ணகிரி, தருமபுரி, சேலம், நாமக்கல், திருச்சி, கரூர், திண்டுக்கல், மதுரை உள்ளிட்ட 10 மாவட்டங்களில் அடுத்த 2 நாட்களுக்கு இயல்பை விட 2 முதல் 3 டிகிரி செல்சியஸ் வெப்பம் அதிகரிக்கும் என்று கூறப்பட்டுள்ளது. வரும் 25-ஆம் தேதி வெப்பத்தின் தாக்கம் அதிகமாக இருக்கும் என்றும், தமிழகம் மற்றும் புதுவையில் அடுத்த மூன்று நாட்களுக்கு வறண்ட வானிலையே நிலவும் எனவும் தெரிவிக்கப்பட்டுளது.*

ரூ.895 கோடி சொத்து இருந்தும் கார் இல்லை: பணக்கார தெலங்கானா வேட்பாளர்!

ரூ.895 கோடி சொத்து இருந்தும் கார் இல்லை: பணக்கார தெலங்கானா வேட்பாளர்!

*ரூ.895 கோடிக்கு சொத்துக்களை கொண்ட தெலங்கானா காங்கிரஸ் வேட்பாளர், தனது குடும்பத்தினருக்குச் சொந்தமாக கார் இல்லை என்று தெரிவித்துள்ளார்.*

*தெலங்கானா மாநிலம் செவ்வெல்லா (Chevella) மக்களவைத் தொகுதியில் போட்டியிடும் காங்கிரஸ் வேட்பாளர், கொண்டா விஷ்வேஸ்வர் ரெட்டி தாக்கல் செய்துள்ள வேட்பு மனுவில், தனது குடும்ப சொத்து ரூ.895 கோடி என குறிப்பிடுள்ளார். தனது மனைவி, மகன் உள்ளிட்டோரின் குடும்ப சொத்தாக, அவர் இதை குறிப்பிட்டுள்ளார். இவ்வளவு கோடி சொத்துகள் இருந்தும் தனக்கோ தனது குடும்பத்தினருக்கோ சொந்தமாக காரோ, வேறு மோட்டார் வாகனமோ இல்லை எனத் தெரிவித்துள்ளார். ஆந்திரா மற்றும் தெலங்கானாவில் இவர்தான் பணக்கார வேட்பாளர்!*

*கடந்த தேர்தலில் தெலங்கானா ராஷ்ரிய சமிதி கட்சியின் சார்பில் போட்டியிட்டு வெற்றி பெற்றவர் இவர். கடந்த டிசம்பர் மாதம்தான் காங்கிரஸ் கட்சியில் இணைந்தார் என்பது குறிப்பிடத்தக்கது.*

60 கோடி பேஸ்புக் பயனர்களின் பாஸ்வேர்டுகள் கசிவு...

60 கோடி பேஸ்புக் பயனர்களின் பாஸ்வேர்டுகள் கசிவு...

*பேஸ்புக்கில் 60 கோடி பயனர்களின் பாஸ்வேர்டுகள் அந்நிறுவனத்தின் 20 ஆயிரம் ஊழியர்களால் மிகச் சுலபமாக அணுகும் வகையில் இருந்ததாக தகவல் வெளியாகியுள்ளது.*

*பேஸ்புக் நிறுவனத்தின் தகவல் பாதுகாப்பு குறைப்பாட்டை, பாதுகாப்பு வல்லுநர் பிரையன் கிரெப்ஸ் முதலில் சுட்டிக்காட்டினார்.*

*பேஸ்புக்கை பயன்படுத்தும் 60 கோடி பயனர்களின் லாகின் பாஸ்வேர்ட்கள் 2012-ம் ஆண்டிலிருந்து வெறும் சாதாரண எழுத்து வடிவில் சேகரிக்கப்பட்டு வெளியாகியிருக்கலாம் என பிரையன் கூறியுள்ளார்.*

*இந்த விவகாரம் குறித்து கருத்து தெரிவித்துள்ள ஃபேஸ்புக் நிறுவனம், தங்கள் நிறுவனத்திற்குள்ளான நெட்வொர்க்கில் பாஸ்வோர்ட்கள் குறித்த கோளாறை சரி செய்துவிட்டதாக தெரிவித்துள்ளது.*

Tuesday, 19 March 2019

மரக்கன்று நடும் விழா!

மரக்கன்று நடும் விழா!
புதுக்கோட்டை ரோட்டரி சங்கம், அரசினர் தொழிற்பயிற்சி நிலையம் புதுக்கோட்டை இணைந்து நிலைய  வளாகத்தில் சங்கத் தலைவர் கே திருப்பதி தலைமையில் மரக்கன்று நடும் விழா நடைபெற்றது முன்னதாக வருகை புரிந்த அனைவரையும் நாட்டு நலப்பணித்திட்ட அலுவலர் பி ஜோதிமணி வரவேற்றார் மக்கள் நன் மதிப்பு இணைச்செயலாளர் மாருதி கண. மோகன்ராஜ், நிர்வாக அலுவலர் இராவனேஸ்வரன், சிறப்பு  விருந்தினர்களாக கலந்து கொண்டு மரக்கன்றுகளை நட்டனர் நிகழ்ச்சியில் புதுக்கோட்டை ரோட்டரி முன்னாள் தலைவர்கள் எஸ்பி முத்து, சகாயம் ,என் கனகராஜன் ,காசிராஜன் செயலாளர் ஜெயக்குமார், பயிற்சி அலுவலர் ராஜேந்திரன் ,நடராஜன் மற்றும் மாணவர்கள் கலந்து கொண்டனர் நிறைவாக உடற்பயிற்சி அலுவலர் கதிரேசன் நன்றி கூற விழாஇனிதே நிறைவு பெற்றது
படம். மாருதி கண. மோகன்ராஜ் மரக்கன்றுகளை நட்ட போது எடுத்த படம்

தாம்பரம் அருகே உள்ள வனப்பகுதியில் ஏற்பட்ட திடீர் தீ விபத்து

👉👉தாம்பரம் அருகே உள்ள வனப்பகுதியில் ஏற்பட்ட திடீர் தீ விபத்து

சென்னை: சென்னை தாம்பரம் அருகே உள்ள வனப்பகுதியில் ஏற்பட்டுள்ள தீ விபத்தால் மக்கள் அவதிக்கு உள்ளாகினர். நன்மங்கலம் வனப்பகுதியில் திடீரென  ஏற்பட்ட தீ விபத்தால் அருகில் இருக்கும் ஜெயேந்திர நகர், சரஸ்வதி நகர் உள்ளிட்ட குடியிருப்பு பகுதிகளில் புகை சூழ்ந்துள்ளது. இதனால் பொது மக்களுக்கு கண் எரிச்சல், மூச்சி திணறல் ஏற்பட்டது. தீயணைப்பு துறையினர் மற்றும் பொது மக்கள் பல மணி நேரம் போராடி தீயை அனைத்தனர். இந்த தீ விபத்தில் எண்ணற்ற மரங்கள் எரிந்து சேதமாகியது குறிப்பிடத்தக்கது.

அதிமுக, திமுக தேர்தல் அறிக்கையில் உள்ள பொது அம்சங்கள்.

👉👉அதிமுக, திமுக தேர்தல் அறிக்கையில் உள்ள பொது அம்சங்கள்....
   
பாராளுமன்றத் தேர்தல் நெருங்கி வரும் நிலையில், தமிழகத்தில் அதிமுக மற்றும் திமுக வெளியிட்டுள்ள தேர்தல் அறிக்கைகளில் பல்வேறு அம்சங்கள் பொதுவாக உள்ளன.
                                                                                                                                                                      அதிமுக, திமுக தேர்தல் அறிக்கையில் உள்ள பொது அம்சங்கள்
சென்னை:

தமிழகத்தில் பாராளுமன்றத் தேர்தலுக்கான வேட்புமனு தாக்கல் இன்று தொடங்கி உள்ள நிலையில், ஆளுங்கட்சியான அதிமுக மற்றும் எதிர்க்கட்சியான திமுகவின் தேர்தல் அறிக்கைகள் இன்று வெளியிடப்பட்டன. இரண்டு கட்சிகளும், மக்கள் நலன் சார்ந்த பல்வேறு திட்டங்களை தேர்தல் அறிக்கையில் வாக்குறுதிகளாக கொடுத்துள்ளன. அதேசமயம், சில முக்கிய அம்சங்கள் இரண்டு தேர்தல் அறிக்கையிலும் பொதுவாக உள்ளன.
                                                                                                                                                          மத்தியில் தமிழை ஆட்சி மொழியாக்கவும், மத்திய அரசு அலுவலகங்களில் அலுவல் மொழி ஆக்கவும் நடவடிக்கை எடுக்கப்படும். நீட் தேர்வில் இருந்து தமிழகத்திற்கு விலக்கு பெற நடவடிக்கை மேற்கொள்ளப்படும். கல்வியை மாநில பட்டியலுக்கு மாற்ற நடவடிக்கை எடுக்கப்படும். கேபிள் டிவி சேவைக்கான கட்டணம் குறைக்கப்படும்.

காவிரி டெல்டா பகுதி வேளாண் சிறப்பு மண்டலமாக அறிவிக்கப்படும். மாணவர்கள் வாங்கிய கல்விக்கடனை முழுவதும் தள்ளுபடி செய்ய நடவடிக்கை எடுக்கப்படும்.

தனியார் துறை வேலைவாய்ப்புகளில் இடஒதுக்கீட்டு முறையை கொண்டு வர நடவடிக்கை எடுக்கப்படும். பேரறிவாளன் உள்ளிட்ட 7 பேரை விடுவிக்க மத்திய அரசிடம் வலியுறுத்தப்படும்.

இவ்வாறு முக்கியத்துவம் வாய்ந்த சில வாக்குறுதிகளை இரண்டு கட்சிகளும் கொடுத்திருப்பதால், இந்த வாக்குதிகள் எந்த அளவுக்கு வாக்காளர்களை ஈர்க்கும்? என்பதை இப்போது கணிக்க இயலாது. தேசிய கட்சிகளின் தேர்தல் அறிக்கையும் வெளியாகி, பிரச்சாரம் தீவிரமடையும்போது வாக்காளர்களின் மனநிலை தெரியவரும்.

நாம் தமிழர் கட்சி சின்னத்தை வெளியிட்ட சீமான்!

நாம் தமிழர் கட்சி சின்னத்தை வெளியிட்ட சீமான்!
கடந்த தேர்தலில் இரட்டை மெழுகுவர்த்தி சின்னத்தில் நாம் தமிழர் கட்சி போட்டியிட்டது. இந்த முறையும் இரட்டை மெழுகுவர்த்தி சின்னம் வழங்குமாறு நாம் தமிழர் கட்சி ஒருங்கிணைப்பாளர் சீமான் வலியுறுத்தினார். ஆனால் அந்த சின்னத்தை வழங்க தேர்தல் ஆணையம் மறுத்துவிட்டது.
அதனால் விவசாயம் சம்பந்தமான சின்னத்தை வழங்குமாறு நாம் தமிழர் கட்சி கோரிக்கை விடுத்திருந்தது. இதனை தொடர்ந்து சீமானின் நாம் தமிழர் கட்சிக்கு ‘கரும்பு விவசாயி’ சின்னத்தை தேர்தல் ஆணையம் ஒதுக்கியது. இந்நிலையில் நாம் தமிழர் கட்சி போட்டியிடும் கரும்பு விவசாயி சின்னத்தை சீமான் வெளியிட்டார்.
பின்னர் பேசிய சீமான், வரும் மக்களவை தேர்தலில் அதிமுக, திமுகவுக்கு மாற்றாக நாம் தமிழர் கட்சி இருக்கும் என்றார். வரும் 23ம் தேதி வேட்பாளர் பட்டியல் வெளியிடப்படும் எனவும் அவர் குறிப்பிட்டார். கட்சியின் வெற்றிக்காக அனைவரும் பாடுபட வேண்டும் என்றும் அவர் தெரிவித்துள்ளார்.

கிருஷ்ணகிரி அருகே போலி சாமியார் வீட்டில் கைத்துப்பாக்கி பறிமுதல்

கிருஷ்ணகிரி அருகே போலி சாமியார் வீட்டில் கைத்துப்பாக்கி பறிமுதல்

கிருஷ்ணகிரி அருகே போலி சாமியார் வீட்டில் இருந்த கைத்துப்பாக்கியை போலீஸார் பறிமுதல் செய்தனர்.

கிருஷ்ணகிரி அருகே சின்னமுத்தூர் கம்பளிக்கான் தெருவைச் சேர்ந்தவர் டான் (50). பெங்களூரைச் சேர்ந்த இவர் கடந்த 35 ஆண்டுகளாக இப்பகுதியில் வசித்து வருகிறார். தையல் தொழிலில் ஈடுபடுவதோடு, ஜோதிடராகவும் இருந்து வருகிறார். இந்நிலையில் கடந்த 10-ம் தேதி இரவு தனது வீட்டில் டான் யாகபூஜை நடத்தினர். அப்போது ஏற்பட்ட தீயை அணைக்க, அதே பகுதியில் வசிக்கும் காவேரி (50), சவுந்தர்(23), முனியப்பன் (28) ஆகியோர்வந்தனர். அப்போது எதிர்பாராதவிதமாக எரிவாயு சிலிண்டர் வெடித்ததில், காவேரி, சவுந்தர், முனியப்பன் ஆகியோர் படுகாயம் அடைந்தனர். சிகிச்சை பலனில்லாமல் முனியப்பன் உயிரிழந்தார்.

மக்கள் போராட்டம்

இதனைத் தொடர்ந்து நேற்று முன்தினம் அப்பகுதி மக்கள் டானை கைது செய்யக்கோரி சாலை மறியல் போராட்டத்தில் ஈடுபட்டனர். நேற்று காலை மீண்டும் அப்பகுதி மக்கள், டான் வீட்டை உடைத்து அங்கிருந்த சிலைகள், பூஜை பொருட்கள் உள்ளிட்டவற்றை எடுத்து வெளியே வீசினர்.

அதில் கைத்துப்பாக்கி இருந்ததைக் கண்டு மக்கள் அதிர்ச்சியடைந்தனர்.

வீட்டின் தரையை கடப்பாரையால் தோண்டினர். தகவலறிந்து சம்பவ இடத்துக்கு வந்த காவேரிப்பட்டணம் போலீஸார், பொதுமக்களிடம் பேச்சு நடத்தினர். உரியபுகார் அளித்தால் போலி சாமியாரைகைது செய்வதாக உறுதியளித்தனர். இதையடுத்து பொதுமக்கள் கலைந்து சென்றனர். மேலும், அங்கிருந்த சிலைகள் மற்றும் கைத்துப்பாக்கியை போலீஸார் பறிமுதல் செய்தனர்.

வெப்பம் குறைந்தது ஏன்?- வானிலை ஆய்வு மையம் விளக்கம்

வெப்பம் குறைந்தது ஏன்?- வானிலை ஆய்வு மையம் விளக்கம்

தமிழகத்தில் கடந்த ஒரு வாரமாக வெப்பநிலை குறைந்து காணப்படுகிறது.

இது தொடர்பாக சென்னை வானிலை ஆய்வு மைய இயக்குநர் ந.புவியரசன் கூறியதாவது:

மார்ச் மாத தொடக்கத்தில், தமிழகம் நோக்கி கிழக்கு திசைக் காற்று வீசவில்லை. மேற்கு மற்றும் வடக்கு பகுதியில் இருந்து வறண்ட காற்று தமிழகம் நோக்கி வீசியது. அதன் காரணமாக சுமார் 10 நகரங்களில் வழக்கத்தை விட அதிக வெப்பநிலை நிலவியது. தற்போது பகல் நேரத்தில் கிழக்கு திசைக் காற்று பலமாக வீசி வருகிறது. அதன் காரணமாக பல நகரங்களில் வெப்பநிலை குறைந்துள்ளது.

நேற்று மாலை 5.30 மணி நிலவரப்படி, கரூர் பரமத்தி, சேலத்தில் 100 டிகிரி, சென்னை நுங்கம்பாக்கத்தில், இதற்கு முன்பு 96 டிகிரி வரை உயர்ந்த வெப்பநிலை, நேற்று 91 டிகிரியாக குறைந்திருந்தது. மாலத்தீவு முதல் குமரிக்கடல் வரை காற்றழுத்த தாழ்வுநிலை ஒன்று நிலவி வருகிறது. அதன் காரணமாக அடுத்த சில தினங்களுக்கு தமிழகத்தில் ஓரிரு இடங்களில் லேசான மழை பெய்ய வாய்ப்புள்ளது.