பாஜக வெளியிட்டுள்ள தேசிய நிர்வாகிகள் பட்டியல் - தமிழகத்தைச் சேர்ந்த யாருக்கும் இடம் இல்லை
பாரதிய ஜனதா கட்சியினர் வெளியிட்டுள்ள தேசிய நிர்வாகிகள் பட்டியலில் தமிழகத்தைச் சேர்ந்த எந்தத் தலைவர்களும் இடம் பெறவில்லை என்பது தெரியவந்துள்ளது.
பாரதிய ஜனதா கட்சி தேசிய நிர்வாகிகள் பட்டியலை வெளியிட்டுள்ளது. அதன் படி 12 துணைத் தலைவர்கள், 8 பொதுச் செயலாளர்கள் புதிதாக நியமனம் செய்யப்பட்டுள்ளனர். ஆனால் அதில் தமிழகத்தில் இருந்து யாரும் தேர்வு செய்யப்படவில்லை. கடந்த வருடம் பாஜகவின் தேசிய செயலாளராக ஹெச்.ராஜா தேர்வு செய்யப்பட்டிருந்தார். ஆனால் இந்த வருடம் அவருக்கு எந்தப் பொறுப்பும் வழங்கப்படவில்லை.
செய்திதொடர்பாளர்கள் பட்டியலிலும் தமிழத்தைச் சேர்ந்த யாரும் இடம் பெறாத காரணத்தால், அவர்கள் தொலைக்காட்சி விவாதங்களில் அதிகாரப்பூர்வமாக பங்கேற்க முடியாது எனத் தெரிகிறது. அடுத்த வருடம் சட்டமன்றத் தேர்தல் நடைபெற உள்ள நிலையில் பாஜக வின் இந்த நடவடிக்கை அனைவருக்கும் ஆச்சரியம் அளிக்கும் வகையில் இருப்பதாகச் சொல்லப்படுகிறது.
COMMENTS