NATRINAI FM


தமிழகம் , இந்தியா , அயல்நாடு , வணிகம், விளையாட்டு ,  திரை உலகச் செய்திகள் , பொது அறிவு, தினம் ஒரு துளி ,ஒரு நிமிட  யோசனை , நித்தம் ஒரு முத்து, நேயர்குரல்கள் ,வாரம் ஒரு வசந்தம், அறிவுப் பெட்டகம் ,கதை சொல்லும் நீதி  ,வாரம் ஒரு பாடல்,சிந்தனைச் சிறகு -அத்தனையும் மொத்தமாய் உங்கள் வாட்ஸ்அப்-பில் உங்களைத் தேடி தினந்தோறும் வருகிறது. . நற்றிணை  ஒலிச்செய்தியை நீங்களும்  கேட்டு ரசிக்க.., 1) பார்வை திறன் உள்ளவர்  என்றால் S JOIN 2) பார்வை மற்றுத் திறனாளி  என்றால் V JOIN  -என்று டைப் செய்து 8220999799-என்ற எண்ணுக்கு  வாட்ஸ்அப் மூலமாக அனுப்பி வையுங்கள். பதிவு எண் முதலில் வரும். நற்றிணை தொடர்ந்து வரும். தினமும் செவிமடுங்கள். #நற்றிணை ஒலிச்செய்தி#

Labels

Search This Blog

Monday, 8 October 2018

அட... தமிழக பள்ளிக் கல்வித்துறை சத்தமில்லாம ஒரு சாதனையைப் பண்ணிருக்காங்கப்பா!

அட... தமிழக பள்ளிக் கல்வித்துறை சத்தமில்லாம ஒரு சாதனையைப் பண்ணிருக்காங்கப்பா!

*🔰🔰பாடப்புத்தக வீடியோவை பார்வையிட்ட ஒரு கோடி பேர்... டிஜிட்டலுக்கு மாறும் பள்ளிக் கல்வித்துறை!*

*தமிழக பள்ளிக் கல்வித்துறை சத்தமில்லாமல் ஒரு சாதனையைப் படைத்திருக்கிறது*

*புதியதாக வெளியிடப்பட்ட பதினொன்றாம் வகுப்பு பாடங்களை மாணவர்கள் எளிமையாகப் புரிந்துகொள்ளும் வகையில், கடந்த நான்கு மாதங்களாக பல்வேறு வீடியோக்களைத் தயாரித்து யூ-டியூப்பில் வெளியிட்டு வருகிறது*

*இந்த காணொளிகளை குறுகிய காலத்தில் ஒரு கோடியே இருபது லட்சம் பேர் பார்வையிட்டு இருப்பது ஆச்சர்யம்*

*தமிழகப் பள்ளிக் கல்வித்துறை, புதிய பாடத்திட்டத்தை அறிமுகப்படுத்தி, இந்த ஆண்டு 6,9,11-ம் வகுப்புக்கான புதிய பாடநூல்களை வெளியிட்டது. 11-ம் வகுப்பு பாடப்பகுதிகள் அதிகமாகவும், பல பகுதிகள் கடினமாகவும் உள்ளன என்று ஆசிரியர்களும், மாணவர்களும் கருத்து தெரிவித்தனர்*

*இவர்களுக்கு உதவும் வகையில் பதினொன்றாம் வகுப்பில் புதியதாக சேர்க்கப்பட்ட பகுதிகளையும், கடினமான பகுதிகளையும் எளிமைப்படுத்தும் வகையில் பல்வேறு வீடியோக்களைத் தயாரித்து வெளியிட்டு வருகிறது*

*பள்ளிக்கல்வித்துறையின் மாநிலக்கல்வியியல் ஆராய்ச்சி பயிற்சி நிறுவனம். இந்தப் பணியில் பதினைந்துக்கும் மேற்பட்ட தொழில்நுட்பக் கலைஞர்கள் ஈடுபட்டு வருகின்றனர்*

*பாடநூல் தயாரிப்பில் ஈடுபட்ட ஆசிரியர்கள், கல்லூரி பேராசிரியர்கள், கல்வியாளர்கள் உதவியுடன் பல்வேறு வீடியோக்களைத் தயாரித்து வெளியிடப்படுகிறது*

*இந்த வீடியோக்கள் தமிழ் மற்றும் ஆங்கில மீடியத்தில் படிக்கும் மாணவர்கள் என்று தனித்தனியே தயாரித்துப் பதிவேற்றுவதால் மாணவர்களும் ஆர்வத்துடன் பார்வையிட்டு வருகின்றனர்*

*பாடப் புத்தகங்களை வீடியோக்களாக பதிவுசெய்து வரும் படப்பதிவு இயக்குநர் அமலன் ஜெரோமிடம் பேசினோம்*

*பதினொன்றாம் வகுப்பில் தடுமாறுபவர்கள், தேர்வு பயம் கொண்டவர்கள் இனி கவலைப்பட வேண்டிய அவசியமில்லை*

*முதல்கட்டமாக, பதினொன்றாம் வகுப்பில் கணிதப்பாடத்தில் 143, இயற்பியலில் 112, வேதியியலில் 81, தாவரவியல் பாடத்தில் 57, கணினி அறிவியலில் 22, பொருளியல் பாடத்தில் 6, விலங்கியல் பாடத்தில் 8 என இதுவரை 500 -க்கும் மேற்பட்ட வீடியோக்களைத் தயாரித்துள்ளோம்*

*தற்போது கணக்கு பதிவியியல், பிஸினஸ் மேக்ஸ் போன்ற பாடங்களுக்கான வீடியோக்களைத் தயாரித்து வருகிறோம்*

*பாடம் நடத்துவதுபோல் மட்டுமல்லாது, ஆசிரியர்கள் பாடத்தைக் குறித்து உரையாடுவது போலும், பள்ளி மாணவர்கள் ஆசிரியர்களிடம் உரையாடுவது போலும் வீடியோக்களைத் தயாரித்து பதிவேற்றம் செய்து வருகிறோம்*

*வீடியோ உயர்தரத்தில் தயாரிப்பதால் மொபைல்போனில் மட்டுமல்லாது, வகுப்பறையில் புராஜக்டர் கொண்டும் பார்வையிடலாம்*

*பாடத்தில் ஒரு பொருள் குறித்தோ அல்லது இடம் குறித்தோ விவரித்தால் அந்த இடத்துக்கே சென்று நேரடியாகக் காட்சிப்படுத்துகிறோம்*

*இதன்மூலம், மாணவர்கள் அதனை முழுமையாகப் புரிந்துகொள்வார்கள். தினமும் காணொளிகளை பார்வையிட்டு மாணவர்கள் தெரிவிக்கும் கருத்துகளுக்கும், சந்தேகங்களுக்கும் ஆசிரியர்கள் விளக்கம் கொடுக்கின்றனர்*

*காணொளி பார்வையிடும் மாணவர்கள் பலரும், `புத்தகத்தைப் பார்த்து கஷ்டம் என்று நினைத்தோம். ஆனால், பள்ளிக்கல்வித்துறை வெளியிட்டுள்ள வீடியோக்களை பார்த்தவுடன் எங்களது பாடங்கள் ஈஸியாகி விட்டன' என்கின்றனர்*

*ஆசிரியர்கள், `தற்போதுள்ள பாடங்கள் நாங்கள் படித்த காலத்தில் இல்லை. இதனால், புதிய பகுதிகளை நாங்களே வீடியோக்களைப் பார்த்துத் தெரிந்துகொள்கிறோம்' என்கின்றனர்*

*விரைவில் மற்ற வகுப்பு மாணவர்களுக்கும் காணொளிகளைத் தயாரித்து வெளியிடத் தயாராகி வருகிறோம். ஒவ்வொரு வீடியோவும் அடிப்படை விஷயத்தில் இருந்து ஆரம்பிப்பதால் மாணவர்கள் நீட் மற்றும் ஜே.இ.இ தேர்வுகளுக்கு நம்பிக்கையோடு தயாராகவும் உதவும்" என்றார்*

*விளக்கம் தெரியாத சொல்லுக்கு விளக்கம் தேவை என்றால் டிக்ஸனரியை தேடுவோம். தற்போது பாடத்தின் விளக்கத்தைத் தேட யூ-டியூப்பில் தேட வேண்டிய காலத்தில் இருக்கிறோம். தமிழக பள்ளிக் கல்வித் துறை, நீண்ட காலமாக பாடத்திட்டத்தை மாற்றியமைக்காமல் இருந்தது மாறி தற்போது தகவல் தொழில்நுட்பத்தை முழுமையாகப் பயன்படுத்தி டிஜிட்டல் வடிவில் பாடங்களை யூ-டியூப் (TN SCERT) சேனல் பதிவேற்றம் செய்து பெருமை சேர்த்து வருகிறது. பாராட்டுவோம்

No comments:

Post a Comment